Таом бемаза, кўнгилдагидек пишмаслиги, апаратдан ҳид чиқиши билан боғлиқ муаммоларнинг сабаби нимада эканига тўхталиб ўтамиз.
Пишириш учун нотўғри вақтнинг белгиланиши
Товуқ шўрвани 20 дақиқада, гўштли рагуни ярим соатда тайёр бўлиши барча уй бекаларнинг орзуси, лекин таом тайёр бўлиши учун вақт керак ва мултиварка ҳам бундан истисно эъмас. Пиширишдан аввал маҳсулотлар миқдорини инобатга олиш керак. Қанча кўп маҳсулот бўлса, қурилмада керакли босим бўлиши учун шунча кўп вақт керак бўлади. Босим баланд бўлиши эса таомнинг тез тайёр бўлиши учун асосий омил ҳисобланади. Шу сабаб ҳам яна қўшимча 5-10 дақиқа вақтга қўйиш керак. Мултиварканинг иситиш элементлари пас қисмида ёки қопқоғида жойлашган бўлади шу сабаб ҳам пишиши учун узоқ вақт кетадиган маҳсулотларни мултиварканинг паст қисмига солиш керак.
Суюқлик солиш
Қурилманинг ташқи тарафида максимал суюқлик даражаси белгиси мавжуд ва унга риоя қилиш керак бўлади. Таом тайёрлашда суюқликни идишнинг учдан икки қисмидан кўп қуймаслик аммо бўтқа ёки донли маҳсулотдан таом тайёрлаганда идишни яримгача сув солиш керак.
Гўшт пишириш
Кўпгина моделларда грил ва қовуриш функцияси бўлади. Аммо, гўшт ва сабзавотлар мазали пишиши учун товага бироз сариёғ солиб қовуриб олиш керак бўлади. Қийма ва котлетларни ҳам шу тарзда пишириш тавсия қилинади. Янада яхшироқ натижага эришиш учун эса унга булғаб кейин товада қовуриш керак. Таом деярли тайёр бўлмагунча маҳсулотларни аралаштирманг.
Босимни чиқариш
Мултиваркадаги босимни чиқариб юборишнинг икки хил: табиий ва тез йўли бор. Тез чиқариш учун клапанни очиб ўгириш керак, табиий эса секин-аста ўзи совийди. Уларнинг ҳар иккисининг ҳам фарқи бор ва қандай таомда қайси усулдан фойдаланиш рецептда ёзилган бўлади. Тухум, сабзавот ва балиқ сингари тез димлаб пишириш мумкин бўлган маҳсулотлар учун буғни тез чиқариш усулидан фойдаланиш, узоқ вақт пишадиган гўшт, ловия ва бошқа маҳсулотлар учун эса табиий усулдан фойдаланиш мумкин.
Қопқоқдаги резинкани ювмаслик
Пишиш жараёнида таомга хос бўлмаган ҳид чиқиши, мултиварка қопқоғида жойлашган резинка ювилмаганидан дарак бериши ҳам мумкин. Таом пишаётган вақтда буғни ташқарига чиқиб кетмаслиги учун муҳим бўлган резинка силикондан тайёрлангани сабаб тез кирланиб, ҳидланиши кузатилади. Ҳар гал мултиваркани ишлатгандан кейин мазкур резинкани ювиб-тозалаш керак.
Изоҳ (0)