Тиббиёт соҳаси ҳали ривожланиб улгурмаган пайтларда шифокорлар табиий маҳсулотлар билан беморларни даволаган. Инсонлар орасида кенг тарқалган бир неча касалликларга қарши курашишда 6 та маҳсулот қўл келади. Албатта, шифокор билан маслаҳатлашган ҳолда табиий маҳсулотлар билан дардга шифо топишни унутманг.
Йўталга қарши
Бир неча бўлак қора шоколад йўтални сиропларга қараганда анча яхши даволайди. Хаl университети томонидан олиб борилган тадқиқотлар шуни кўрсатдики, ширинлик таркибидаги алколоид тебромин бўғиздаги асаб толаларини ўраб, йўтални камайтиради. Йўтал бошланган заҳоти қора шоколад тановул қилиш яхши самара беради.
Бош оғриғи
Спиртли ичимликдан сўнг пайдо бўладиган бош оғриғи, карахтлик кабиларга хлорелла – оқсил ва ёғга бой, майда сув ўти жуда яхши ёрдам беради. Ушбу маҳсулот тез орада ўз натижасини кўрсатиши шубҳасиз. Уни дорихоналардан харид қилиш мумкин. Сув ўти кукунига сув ва лимон аралаштирилиб ичилади. Фақат меъёрни ошириб юбормасликни ёдда сақлаш керак.
Кариесдан ҳимояланиш учун
Лавлаги шарбати кариесни ҳимоя қилишга қодир ва тиш эмалини ташқи таъсирга нисбатан кучли ҳамда чидамли қилади. Тишларнинг асосий душмани ҳисобланган сут кислотаси бактериялари туфайли бир қанча касалликлар келиб чиқади. Шунинг учун ҳам ҳар куни бироздан бўлса ҳам лавлаги шарбати ичишга одатланиш зарур. Бу тишлар учун фойдали.
Уйқусизликка қарши
Айрим инсонларда ухлаш катта муаммога айланган. Уларни кўпроқ уйқусизлик қийнайди. Бунинг энг яхши усули кечки овқатга қовурилган тухум тановул қилиш. Аминокислота триптофанга бой бўлган ушбу маҳсулот уйқу сифатига ниҳоятда фойдали таъсир кўрсатади ва уйқусизликни енгишга ёрдам беради. Асосийси, уйқудан бир неча соат олдин тухум истеъмол қилишни унутмаслик.
Диққатни жамлаш учун
Қаттиқ чарчоқ баъзида диққатни жамлашга халақит беради. Бундай вақтда қаҳва ичишга шошилмаслик зарур. Аксинча, бир стакан апелсин шарбати фойда беради. Мутахассислар фикрича, апелсин шарбати инсоннинг ақлий ҳамда жисмоний ҳолатини яхшилайди.
Узоқ умр кўриш учун
26 ой давомида ҳафтасига икки маротаба балиқ ёки денгиз маҳсулотлари истеъмол қилинса, инсон саломатлиги яхшиланиб, ўз-ўзидан умри узайишига сабаб бўлади. Бу Гарвард университети олимлари томонидан 16 йил давомида олиб борилган тадқиқот натижаси. Ҳар ким буни ўзида синаб кўриш имкониятига эга.
Изоҳ (0)