Тошкент вилояти бош имом-хатиби Хайруллоҳ Турматов вафот этди. Бу ҳақда Дин ишлари бўйича қўмита томонидан маълум қилинди.

Фото: «Ziyouz.com»

«Дин ишлари бўйича қўмита раҳбарияти ва жамоаси диний соҳада кўп йиллар самарали хизмат қилган жонкуяр уламо, Тошкент вилояти бош имом-хатиби Хайруллоҳ домла Турматовнинг вафоти муносабати билан чуқур таъзия изҳор этади», — дейилади қўмита хабарида.

Қўмита томонидан берилган хабарда Тошкент вилояти бош имом-хатибининг вафоти сабаби маълум қилинмаган.

«Дарё» манбаларининг маълум қилишича, 44 ёшли Хайруллоҳ Турматов коронавирусдан даволанаётган эди.