Идиш ювишдан ташқари губкани бошқа вазиятларда ҳам ишлатиш ва самарали натижага эришиш мумкин. «Домашний очаг» кундалик турмушда қўлласа бўладиган лайфхаклар билан бўлишади.
Лак ўчиришда фойдаланинг
Баъзи тирноқ бўёқларини оддий пахта билан ўчириш қийин бўлади. Бунда идиш ювадиган губка ёрдам бера олиши мумкин. Бунинг учун губкани ўртасидан бўлинг ва найча шаклида кесиб чиқиб, тоза банкага жойланг. Губкага ацетон томизинг ва лакни ўчиришда фойдаланинг.
Эфир ёғи томизинг
Идиш ювадиган губкадан хушбўй ифор таралиши учун унга ялпиз, лимонли эфир ёғини томизиб қўйинг. Эфир ёғи нафақат хушбўй ифор таратади, балки бактерияларни ҳам ўлдиради.
Микротўлқинли печни тозаланг
Микротўлқинли печнинг ички қисмини тозалаш учун идиш ювадиган губкани намлаб печ ичига қўйинг ва 3-5 дақиқага ёқинг. Губкадан чиққан буғ қотиб қолган ёғ ва сачраган овқат қолдиқларини юмшатади. Кейин артиш ва тозалаш осон бўлади.
Губкага елим қуйинг
Ушбу лайфхак оналар, тарбиячи ва ўқитувчилар учун айни муддао. Қандайдир лойиҳа учун елимдан фойдаланишга тўғри келса, идишга губка солинг ва устидан елим қуйиб устини ёпинг. Болалар елимдан фойдаланишга қийналмайди ва парта ёки столларга елим тўкилишининг ҳам олди олинади.
Музлатиб қўйинг
Губкани мевалар айниб қолмаслиги учун ҳам ишлаца бўлади. Бунинг учун уни совуқ сувга намланг ва ёпиладиган пластик пакетга солиб кечаси музлаткичда қолдиринг.
Тозалашда фойдаланинг
Ёғ ва чирк бўлган ерлар ёки орасига чанг тўпланган буюмларни тозалашда махсус чўтка ўрнига губкадан фойдаланиш мумкин. Бунинг учун ошхонада ишлатиладиган қисқичга иккита губкани резинка билан маҳкамлаш керак.
Кир ювишда фойдаланинг
Губкани кир ювишда сочиқ, материаллар ип ва қолдиқларини йиғиб олиш учун ишлатиладиган махсус салфетка ўрнида қўлласа бўлади. Бунинг учун идишга сув ва бир нечта губка солинг. Устидан кийимлар учун мўлжалланган кондиционер қуйинг ва идиш қопқоғини ёпинг. Кир ювишдан аввал губкани олинг ва кирлар билан бирга машина ичига солинг. Ишлатиб бўлингандан кейин қайта идишга солиб қўйиш мумкин.
Сочингизни жингалак қилинг
Губкаларни горизонтал ушлаб, унга сочингизни ўраб чиқинг. Кейин эса ўртасидан букиб резинка билан маҳкамланг.
Изоҳ (0)