Жуд Лоу карантин вақтида унинг олтинчи фарзанди дунёга келганини очиқлади. Бу ҳақдаги миш-мишлар аввалроқ пайдо бўлган эди, аммо актёрнинг ўзи хабарни расман тасдиқлади, деб ёзади Harper’s Bazaar.
Актёрнинг сўзларига кўра, у карантин даврида вақтини боғдорчилик билан ўтказган. Бундан ташқари, актёр ўша пайтда олтинчи фарзанди дунёга келганини ҳам таъкидлаб ўтган.
Лоу фарзандининг исми, қиз ёки ўғиллиги ҳақида бошқа маълумот бермаган. Аммо карантин даврида боланинг туғилиши ҳар доимгидан бошқача – қизиқарли бўлганини қўшимча қилган.
Маълумот учун, Жуд Лоунинг собиқ биринчи турмуш ўртоғидан учта фарзанди бор: 23 ёшли Рафферти, 19 ёшли Айрис ва 18 ёшли Руди. Шунингдек, Саманта Беркдан 10 ёшли София, Кетрин Хардингдан 5 ёшли Ада исмли қизи бор. Дунёга келган чақалоқ актёрнинг ва унинг ҳозирги турмуш ўртоғи Филиппа Коэннинг илк фарзанди ҳисобланади.
Изоҳ (0)