Бундеслига клубларига 2020/21 йилги мавсум бошидан стадионларга мухлисларни киритишга рухсат берилади.
Bild нашрининг хабар қилишича, клублар октябрь ойи охирига қадар стадионнинг 20 фоиз қисмига томошабинлар киритиши мумкин бўлади.
Шундан кейин лига раҳбарияти ўйингоҳлардаги томошабинлар сонини ошириш масаласини қайта таҳлил қилади.
Мисол учун, Дортмунднинг «Боруссия» клуби уй стадиони «Сигнал Идуна Парк» 81 365 томошабинга мўлжалланган. Шу тариқа дортмундликларнинг уй ўйинига мавсум бошида 16 720 томошабин киритилиши мумкин.
Германия чемпионатининг 2020/21 йилги мавсуми 18 сентябрда старт олади. Коронавирус пандемияси сабаб 2019/20 йилги мавсумнинг аксарият қисми томошабинларсиз ўтганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)