Тинчлантиради, илҳом беради, саломатликни яхшилайди. Уйда ўсимлик парвариш қилиш учун 10 сабаб

Уйида ўсимлик парвариш қилмайдиганлар сирасига кирган тақдирингизда ҳам, ўсимликларнинг саломатлик, кайфиятга ижобий таъсири ҳақидаги маълумотга эга бўлгандан кейин фикрингиз ўзгариши мумкин.

Тинчланишингизга ёрдан беради

Африка бинафшасига бир неча дақиқа давомида қараб турилса, адреналин миқдори ортиб, мияга кўпроқ кислород етиб боради ва тинчланасиз.

Ҳавони намлантиради

Хонадонингиздаги ҳавони намлантириш учун қиммат ҳаво намлантирувчи восита харид қилгандан кўра, хонага Nefrolepis ўсимлигини қўйиб қўйинг. Ушбу ўсимлик нафақат ҳавони намлантиради, балки уни тозалайди ҳам. Nefrolepis ёруғлик талаб қилмайди, уни қоронғи хонага қўйиб қўйиш мумкин.

Даволаши мумкин

Алоэ Вера ўсимлиги куйиш, совуқ уриши, дерматит ҳамда герпесни даволашда яхши самара беради.

Илҳом беради

Ёрқин япроқли ўсимликлар тасаввур яхшиланишига таъсир қилади. Ижодий кризис кузатилган вақтда ўсимликка қараб илҳом олишингиз мумкин.

Аллергик реакцияни камайтиради

Уй токчалари, шкафларда йиғиладиган чангдан аллергиянгиз бўлса, хлорафитум сизга ёрдам беради. Ушбу ўсимлик икки кун ичида хонадаги 90% токсинни йўқ қилиш хусусиятига эга.

Ҳавони тозалайди

NASA’нинг ҳавони турли зарарли ифлосланишлардан тозалайдиган ўсимликлар рўйхатида Инглиз печаги биринчи ўринда туради. Ушбу ўсимликни айниқса астма билан касалланган инсонлар уйида парвариш қилиши тавсия қилинади.

Энергия беради

Иштаҳаси йўқ ва ҳолсизлик қийнайдиган кишиларга ҳар тонг кўзи тушганда энергия олиш ва тетикликни ҳис қилиши учун қизил япроқли ўсимликни ювиниш хонасига қўйиб қўйиш тавсия қилинади.

Диққатни ошишига ёрдам беради

Кузатишларда аниқланишича, офис ёки синф хоналарида ўсимликларнинг бўлиши диққатни 70 фоизга кўтаради.

Стрессни камайтиради

Ўсимликни парвариш қилиш, сув қуйиш, тупроғини юмшатиш ва япроқларини артиш жараёнининг ўзида асабларингиз тинчланиб, ўзингизни анча яхши ҳис қиласиз.

Кўзни тинчлантиради

Кўзингиз компьютер ёки гаджетлар қаршисида соатлаб ўтиришдан чарчаган бўлса, Потос ўсимлигига қараш тавсия қилинади. Ушбу ўсимлик глаукома ва катаракта ривожланишини ҳам олдини олади.