Карантин туфайли АҚШда қолиб кетган спорт устаси ва актёр Ҳабибулла Низомов «Дарё» интернет-нашрига эксклюзив интервью берди. Онлайн бўлиб ўтган ушбу интервьюни «Дарё» мухбири Феруз Муҳаммад ташкиллаштирди.
Суҳбат давомида Ҳабибулла Низомов АҚШга нима учун боргани ва нега қайтмаётганига ойдинлик киритди.
Мен ўзи бу ерга Аrnold Classic мусобақасига келгандим. Аслида болалар билан бирга келмоқчи эдик. Жамоамиз 21 киши эди — 21 кишидан 4 кишигагина виза берилди. Қолганлар келолмайдиган бўлди. 4 кишидан иккитаси «ўзимнинг ҳисобимдан бўлса, бормайман», деди. Бир киши россиялик спортчилар билан бораман, деди. Мен бир ўзим келдим, битта mastresting деган мусобақа бор: таёқ тортиш, халқ ўйинларидан келиб чиққан. Ўша спорт турида биринчи марта қатнашдим. 19 кунда қайтишим керак эди, қайтаман деганимда 16-куни йўл ёпилди. Насибамиз шу ерда экан, шу ерларда юрибмиз.Кетмаётганимнинг сабаби Ўзбекистондаги ҳозирги ҳолат. Ўзингизга маълум, четдан борамиз, шунга касаллик ташувчи бўлиб қолмай дедим. Шу бало-қазолар тезроқ йўқолсин, кейин бемалол, ҳеч қанақа қонунни бузмасдан бораман. (Кулиб) Ҳали визам ҳам тугамаган, бемалол юриб олай, яна қачон келаман.
Ҳабибулла Низомов, спорт устаси, актёр
Изоҳ (0)