Асл исми Маршалл Брюс Мэтрс (Эминем) бўлган 47 ёшли рэпернинг уйига уйсиз эркак бостириб кирган ҳамда уни ўлдирмоқчи бўлган. Апрель ойида юз берган ушбу ҳодиса тафсилотлари суд жараёнида полиция ходими, Эминемнинг кўрсатмасини айтиб берганидан кейингина маълум бўлган, деб ёзади «РИА Новости».
Таъкидланишича, Эминем уйғонганида номаълум шахсга кўзи тушган. Уйимда нима қиляпсан, деб берилган сўровга жавобан эркак уни ўлдирмоқчи эканини билдирган. Шундан кейин рэпер уни жонига қасд қилмоқчи бўлган одамни эшиккача «кузатиб» қўйган. Полиция етиб келганида хонанда қўриқчиси, суиқасд қилмоқчи бўлган эркак билан муштлашаётган бўлган.
Полициянинг маълумот беришича, бостириб кирган шахс турар жойи йўқ Мэтью Хьюз бўлган. Рэпернинг уйига ғишт билан синдирилган дераза орқали кирган Мэтью айни вақтда ҳибсда ва 25 йилга озодликдан маҳкум қилиниши мумкин, дейилади хабарда.
Изоҳ (0)