Дэвид Бекҳэм ва рафиқаси Виктория COVID-19 билан касалланган юлдузлар сафида экани маълум бўлди. Hello журналининг ёзишига қараганда, жуфтлик зарарлангани ҳақида жамоатчиликка билдиришни истамаган, хабар Page Six нашрининг инсайдерлари томонидан маълум қилинган.
Таъкидланишича, машҳурлар АҚШга қилган сафаридан кейин март ойида коронавирус юқтириб олгани аниқланган. «Интер Майами» клуби билан боғлиқ расмий ва реклама тадбирларида иштирок этиш вақтида Дэвид ва Виктория саноқсиз кишилар билан қўл бериб кўришиш ва қучоқлашишга мажбур бўлган. Лондонга қайтгач, Дэвид ўзини ёмон ҳис қилган, рафиқасининг тана ҳарорати кўтарилиб, томоғи оғриган. Кейинроқ уларнинг COVID-19’га топширган тести натижаси ижобий чиққан. Жуфтликдан ташқари жамоанинг бошқа аъзолари, ҳайдовчи ва ассистентларда ҳам вирус борлиги аниқланган.
Виктория бошқаларга касаллик юқтиришдан ваҳимага тушиб, бутун оиласи билан икки ҳафта давомида карантинда бўлган. Улар касалликнинг оғир формасини бошдан кечирган, Виктория ўрнидан тура олмаган. Виктория ва Дэвид тузалганидан кейин жамоаси билан биргаликда мунтазам равишда тест топшириб турган, дейилади хабарда.
Бекҳэмлар оиласи уйига меҳмон таклиф этмаган ҳолда ёзни ўтказган. Греция ва Италияга кетишдан аввал барча зарур тестларни топширишган. Айни вақтда ҳам ўзини ўзи изоляция қилиш қоидаларига риоя қилаётган Дэвид ва Виктория 18 ёшли ўғли Ромеонинг таваллуд кунини ҳам оила даврасида нишонлаган.
Мавзуга доир:
- Роберт Паттинсонда коронавирус аниқланди. «Бетмен» фильмининг суратга олиш жараёни яна тўхтатилди
- Дунёнинг энг кўп ҳақ тўланадиган актёри Дуэйн Жонсон ва унинг оила аъзолари коронавирусни бошдан кечирди
- Испаниялик таниқли актёр Антонио Бандерас коронавирусга чалинди
- Россиялик хонанда Анита Цойда коронавирус аниқланди
- Коронавирус юқтириб олган машҳурлар (фото)
Изоҳ (0)