Вазирлар Маҳкамасининг «2020—2022 йилларда республиканинг барча ҳудудларида биноларнинг иссиқлик ҳимоясини ошириш ва республикадаги қозонхоналарда сув иситиш учун энергия самарадор қуёш тизимларини ўрнатиш бўйича мақсадли дастурни тасдиқлаш тўғрисида»ги қарори лойиҳаси эълон қилинди.
Қарор билан қуйидагилар тасдиқланади:
- 2020–2022 йилларда республика ҳудудларида кўп қаватли турар жойларнинг иссиқлик ҳимоясини ошириш, энергия тежайдиган технологиялар, шунингдек, қайта тикланувчи энергия манбаларининг қурилмаларини жорий этиш бўйича дастури;
- республикадаги қозонхоналарда сув иситиш учун энергия самарадор қуёш тизимларини ўрнатиш бўйича дастур.
- ҳудудларда кўп қаватли турар жойларнинг иссиқлик ҳимоясини ошириш, энергия тежайдиган технологиялар, шунингдек, қайта тикланувчи энергия манбаларининг қурилмаларини жорий этиш бўйича намунавий лойиҳаларни ишлаб чиқилишини;
- 2021–2022 йилларда қозонхоналарда сув иситиш учун энергия самарадор қуёш тизимларини ўрнатиш бўйича лойиҳа-смета ҳужжатларини ишлаб чиқилишини;
- объектлар бўйича намунавий лойиҳалар ва лойиҳа-смета ҳужжатларини белгиланган тартибда экспертизадан ўтказилишини таъминлайди.
Белгилаб қўйилишича, Ўзбекистон Республикаси Уй-жой коммунал хизмат кўрсатиш вазирлиги, Энергетика вазирлиги, Инвестициялар ва ташқи савдо вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари раҳбарлари тасдиқланган мақсадли дастурнинг белгиланган муддатларда қатъий бажарилиши учун шахсан жавоб беради.
Изоҳ (0)