Марокаш миллий авиакомпанияси мамлакат ҳудудига кириш учун виза талаб қилинмайдиган хориж давлатларининг фуқароларининг киришига рухсат берилганини эълон қилди. Меҳмонхона ёки Марокаш компанияси таклифига кўра, жой банд қилган туристларнинг ҳам мамлакат ҳудудига киришига тўсқинлик қилинмайди. Бу ҳақда «РИА Новости» хабар берди.
Марокашга кириш учун COVID-19’га топширилган ва манфий натижа кўрсатган тестни кўрсатиш лозим. Маҳаллий ОАВ ахбороти бўйича, сайёҳлар ва бизнес-саёҳатчилар Марокашга 10 сентябрдан кириши мумкин. Шу куни мамлакатдаги фавқулодда ҳолат тартиби ҳам тугатилиши режалаштирилган.
Шу тариқа сайёҳлар яқин вақт ичида Африка қитъасида жойлашган давлатга нафақат транзит орқали, балки очиқ аэропортга парвозни амалга оширган ҳолда бориши мумкин. Аммо бу уларга анчайин қимматга тушади.
12 сентябрда Анқарадан Марокашга амалга ошириладиган рейс учун эконом чипта нархи тахминан 382 АҚШ долларини ва бизнес-класс қиймати эса тахминана 1 550 долларни ташкил қилади. Қўшимча равишда амалга ошириладиган рейс нархи эса 315 долларга тенг.
Изоҳ (0)