Ёш болаларга коронавирус инфекцияси ҳақида гапириб бериш шарт. Бу ҳақда 8 сентябрь куни АОКАда ўтказилган брифингда Коронавирусга қарши кураш штаби аъзоси Барно Абдусаматова маълум қилди.
Анжуманда Барно Абдусаматованинг айтиб ўтишича, Ўзбекистонда болалар орасида касаллик 7-18 ёшгача бўлган болаларда кўп учрамоқда. Умумий касалланиш кўрсаткичининг 55 фоизини болалар ташкил этади.
«Коронавирус юқишининг олдини олувчи дорилар йўқ. Лекин болалар орасида соғлом турмуш тарзини, кун тартибини тўғри ташкил этиш ҳамда барча санитария гигиена қоидаларига амал қилиш орқали иммунитетни ошириш мумкин», – деди мутахассис.
Барно Абудусаматованинг таъкидлашича, ёш болаларга коронавирус инфекцияси ҳақида гапириб бериш шарт.
«Биринчидан, улар бу касалликнинг олдини олиш учун нималар қилиш кераклигини тўғри англаб етишлари керак. Иккинчидан, улар ҳозирги кунда уйда ўтириб ОАВ орқали касаллик статистикаси ҳамда ўлим ҳолатлари ҳақида эшитади ва бу маълумотлар улар руҳиятига нотўғри таъсир қилиши мумкин. Болалар катталарга билдирмасалар ҳам касалликнинг энг ёмон оқибатидан жуда қўрқади ҳамда ўз оила аъзолари учун қаттиқ хавотирланади», – деди у.
Унинг қўшимча қилишича, болаларга ҳозирги вазиятда қўлланилиши керак бўлган профилактик ишларни тўғри бажариш зарурлиги, уйда қолиш ҳамда бундай вазиятда биз нафақат ўзимизни, балки оиламизга ҳам ғамхўрлик қилишимиз кераклигини ва бунда унинг ҳам ўз ҳиссаси борлигини тўғри тушунтиришимиз керак.
Мавзуга доир:
- Коронавирусга чалинган ота-она фарзандини касалликдан қандай асраши керак? Мутахассис жавоби
- Ўзбекистонда коронавирус оқибатида болалар ўлмагани маълум қилинди. Аввалроқ қурбонлар орасида 14 ёшли бола борлиги айтилганди
- Ўзбекистонда бир нафар бола Кавасаки синдромига гумон қилинган — Коронавирусга қарши курашиш штаби аъзоси
Изоҳ (0)