Жиззах вилояти Пахтакор туманида Cobalt йўлнинг қатнов қисмидан кесиб ўтаётган пиёдани уриб кетди, дея хабар бермоқда ЙҲХББ.

Фото: ЙҲХББ

Қайд этилишича, 2020 йилнинг 7 сентябрь куни соат 13:35 ларда, Жиззах вилояти Пахтакор тумани ҳудудидан ўтган М-39 Термиз–Тошкент халқаро аҳамиятдаги автомобиль йўлининг 957-километрида, ҳайдовчи, 1979 йилда туғилган Т.Б. Cobalt русумли автомобиль тезлигини меъёридан оширган ҳолда бошқариб кетаётган бўлган.

Ҳайдовчи пиёдалар ўтиш жойи яқинидан йўлни кесиб ўтаётган пиёдани уриб юбориб, ЙТҲ содир этган. Оқибатда пиёда, 25 ёшли М.Т. оғир тан жароҳатлари олиб воқеа жойида вафот этган.

Фото: ЙҲХББ

Мазкур ЙТҲ юзасидан Пахтакор тумани ҳузуридаги Тергов бўлими томонидан Жиноят кодексининг 266-моддаси 2-қисми (одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.