Индонезияда ниқоб тартибига бўйсунмаганлар тобут учун мўлжалланган машинада олиб кетилади ва тобутга жойлаштирилади. Бу ҳақда Жакарта Пост маҳаллий нашри хабар бермоқда.
Индонезиянинг айрим провинцияларида расмийлар ва кўнгиллилар аҳолининг ниқоб тақишни истамаган фуқароларига қарши ноодатий усулда курашишни бошлади. Бунинг натижасида Шарқий Ява провинциясидаги Проболинго шаҳарчасида 50 нафар маҳаллий бозор савдогари тобут учун мўлжалланган машинада сайр қилди.
Текширув пайтида савдогарлар ниқобсиз ҳолда топилган. Уларга шахсий ҳимоя воситалари берилиб, махсус машинага чиқарилди. Машинада COVID-19 касаллигидан вафот этганлар учун бўш тобут мавжуд. Шунингдек, ҳуқуқбузарларга маърузалар ўқилди. Шу билан бирга, уларнинг айримлари уч ой мобайнида бозорлар ва канализация қувурларини тозалашга ҳукм қилинди.
Индонезия пойтахти Жакартада қоидабузарлар ясама тобутларга жойлаштирилди. Уларни суратга олиш мумкин, фақат қоидабузарга юзни ёпишга рухсат берилган.
Қонунан тасдиқланмаган ушбу ташаббус тез орада маҳаллий ҳокимият вакиллари томонидан тўхтатилди.
Изоҳ (0)