Американинг Индиана штатида яшовчи 11 яшар бола, Mercedes-Benz машинасини бошқарган ва бувисининг ҳаёти сақлаб қолинишига сабаб бўлган, деб ёзади New York Post.
Таъкидланишича, Пи Жей Бюсер-Лей ва унинг бувиси Анжела уйдан 2,5 км узоқликда сайр қилаётган бўлган. Болалар учун мўлжалланган электромобиль бошқараётган вақтида набира, бувисининг соғлиги ёмонлашганини пайқаган. Шундан кейин аёлни шифохонага олиб бориш учун гаражга бориб бувисининг Mercedes-Benz машинасини олиб келган.
Секин-аста ўзи томон ҳаракатланиб келаётган машинасини кўрган Анжела, уни набираси Пи Жей бошқараётганига гувоҳ бўлган. «Унинг ёши атиги 11 да эди, лекин у машинани профессионаллар сингари бошқарди», деган аёл.
Болакай бувисини машинада уйигача олиб борган ва унга керакли тиббий ёрдам кўрсатилган. Анжеланинг қўшимча қилишича, машинани бошқариш давомида Пи Жей йўлдан четга, ўт устига чиқиб кетмаган. У машинани гаражга қўйиб, бувисини тушишига ёрдамлашган.
Аёлнинг айтишича, набирасига машина ҳайдашни унинг турмуш ўртоғи ўргатган, лекин Пи Жей ҳали бирон марта ҳам мустақил ҳайдаб кўрмаган бўлган.
Мавзуга доир:
- Америкада 5 ёшли бола ота-онасининг машинасини ҳайдаб чиқиб, ўзига Lamborghini харид қилишга йўл олди
- АҚШда 19 нафар боладан иборат тўда 46 та автомобилни ўғирлаб кетди
- Австралияда болалар машинани олиб қочиб, қарийб 1000 километр ҳайдади
- талияда 12 ёшли бола ортидан қадам-бақадам таъқиб қилган айиқдан ўзини қутқарди
- Австралияда беш ёшли бола синглисини кенгурунинг ҳужумидан қутқарди ва оғир жароҳат олди (фото)
Изоҳ (0)