«Рома» собиқ ҳужумчиси Франческо Тотти римликлар клубига қайтиши мумкин.
Calciomercato нашрининг хабар қилишича, «Рома» бизнесмен Ден Фридкин қўлига ўтгач, Тоттининг Рим клубига қайтиши эҳтимоли кучайган. Томонлар охирги вақтда фаол музокаралар олиб бормоқда.
Франческо тайинланиши мумкин бўлган кўплаб лавозимлар бор, бироқ асосий вариант сифатида техник директорлик лавозими кўрилмоқда. Кейинчалик клуб афсонаси вице-президентликкача бориши мумкин. Тотти техник директор мақомида спорт департаментида муҳим ролни ўйнайди.
Сентябрь ойи охирига бориб келишув имзоланиши мумкин. Октябрь ойида «Рома»нинг ҳозирги директорлар кенгаши ўз ишини тугатади.
Эслатиб ўтамиз, Тотти футболчилик фаолиятини якунлагач «Рома»да директорлик лавозимида ишлаган. Бироқ раҳбарият билан келиша олмай клубни тарк этганди. Кейинчалик Франческо раҳбарият ўзгармас экан клубга қадам босмаслигини маълум қилганди.Тотти бутун фаолиятини «Рома»да ўтказган, собиқ футболчи умрининг 27 йилини шу клубга бағишлаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)