Самарқанд вилоятида танишига кам таъминланган оилалар учун аталган 5 та хонадонни олиб беришни ваъда қилган шахс қўлга олинди, дея хабар бермоқда Тергов департаменти.
Қайд этилишича, Жомбой туманида яшовчи фуқаро 29 ёшли С.М. Самарқанд шаҳар ҳокимлиги томонидан кам таъминланган оилаларга «Обод маскан» маҳалласи Қорасув масканида қурилаётган кўп қаватли уйлардан бераётганлигини айтиб, ўзининг таниши 45 ёшли Ш.М.га ҳам ушбу жойдан 5 та хонадонни кредит шартлари асосида арзон нархда олиб беришини ваъда қилган.
Фирибгар танишидан 2018 йилнинг декабрь ойидан 2020 йилнинг март ойига қадар бўлган вақт оралиғида бўлиб-бўлиб жами 16 400 АҚШ долларини олиб, ҳозирги кунга қадар уй олиб бермасдан пулларни ўзининг эҳтиёжларига сарфлаб юборганлиги аниқланган.
Мазкур ҳолат юзасидан Самарқанд шаҳри бўйича ИИО ФМБ ҳузуридаги Тергов бўлими томонидан 29 ёшли С.М.га нисбатан Жиноят кодексининг 168-моддаси 4-қисми «а» банди (фирибгарлик) билан жиноят иши қўзғатилган.
Ҳозирда тергов ҳаракатлари давом этмоқда.
Мавзуга доир:
- Наманганда ҳокимлик мансабдори номини сотиб, ер майдонини расмийлаштириб бериш учун 10 минг доллар талаб қилган шахс қўлга олинди
- Тошкент вилоятидаги 12 млрд сўмлик таъмирлаш ишларини олиб бериш учун тадбиркордан 60 минг доллар талаб қилган шахс ушланди
- Бухорода фуқароларнинг салкам 500 млн сўмлик қорамолларини алдов йўли билан қўлга киритиб, сотиб юборган шахс ушланди
Изоҳ (0)