Ўзбекистонлик бош ошпазлардан бири ва блогер Баҳриддин Чустий аҳволи оғирлашгани сабаб жонлантириш бўлимига тушиб қолди. Бу ҳақда тадбиркор ва блогер Азиза Умарова Facebook’даги саҳифаси орқали маълум қилди.
Умарованинг ёзишича, Чустийнинг сатурацияси 70 бўлган ҳолда касалхонадан чиқариб юбормоқчи бўлишган. Бироқ унинг яқинлари бунга қарши бўлиб, жанжал кўтарган. Айни вақтда у юқумли касалликлар шифохонасининг интенсив терапия бўлимида қолмоқда.
«Эрталаб Баҳриддиннинг рафиқаси Фарангиз билан гаплашдим. Уни реанимацияга олишганини айтди. Кислородсиз сатурацияси 47 га тушиб кетибди, касалхона кислороди билан 89 экан. Тана ҳарорати 38,5 даража», — деб ёзади Умарова.
Эслатиб ўтамиз, Баҳриддин Чустий 2017 йилда «Ўзбегим миллий анъаналари» фестивали доирасида тайёрланган рекорд паловнинг ташаббускори ҳисобланади.
Изоҳ (0)