Мадриднинг «Реал» клуби Эден Азар трансфери учун қанча маблағ сарфлагани маълум бўлди.
ФИФА қоидаларига кўра, футболчи 12—23 ёш оралиғида тўп сурган клублар трансфердан 5% улуш олиши белгиланган. Бу оралиқда Азар учта клубда тўп сурган: «Тюбиз» (2005 йилгача), «Лилль» (2005—2012) ва «Челси» (2012—2018).
COPE’нинг Het Laatste Nieuws i La Dernière Heure нашрига таяниб хабар беришича, «Реал» Азар трансфери учун «Челси»га 2019 йил 40 миллион евро, 2020 йилда 56 миллион евро ва 2021 йилда 64 миллион евро ўтказиб бериши керак.
«Тюбиз» 2019 йилда 200 минг евро, 2020 йилда эса 280 минг евро олган ва 2021 йилда 320 минг еврога эга бўлади. Бироқ Бельгия клуби иккинчи йилдаги тўловни қабул қилишда муаммога дуч келади ва бу борада шикоят қилишга ҳозирланади. Бироқ «Реал» вазиятни тинч йўл билан ҳал қилади.
Шу тариқа трансфер келишуви ҳужжатларига кўра, «Реал» бельгиялик футболчи учун 160 миллион евро тўлагани маълум бўлиб қолди. Бундан аввал Мадрид клуби Азар учун 100 миллион евро атрофида пул сарфлагани айтиларди.
2019/20 йилги мавсумнинг катта қисмини жароҳат туфайли ўтказиб юборган Азар Ла Лигада 16 ўйин ўтказиб, бир гол ва олтита голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)