Ўзбекистонлик профессионал боксчи, супер ўрта вазн тоифаси вакили Шерзод Ҳусанов (21-1-1, 9 КО) 26 сентябрь куни ўзининг навбатдаги жангини ўтказади.
Шерзод Польшада MB Promotions томонидан ташкил этиладиган бокс кечасида қатнашади. Унга ушбу жангда мезбон Роберт Парзечевски (25-1-0, 16 КО) рақиблик қилади.
40 ёшни қаршилаган Шерзод Ҳусанов сўнгги жангини 2018 йил 21 сентябрида Дамиан Ёнакка қарши ўтказиб, очколар ҳисобида ютқазганди. Бу унинг профессионал рингдаи илк ва ҳозирча сўнгги мағлубияти бўлиб турибди.
Маълумот учун, Роберт Парзечевски ҳозирга қадар 25 та жангда ғалаба қозонган, битта жангда эса мағлуб бўлган. 16 та жангда рақибларини нокаутга учратган.
Ҳусанов эса 21 та жангда рақибларини мағлуб этган, битта жангда мағлуб бўлган, биттасида эса дуранг қайд этилган. Тўққизта жангда рақибларини нокаут эвазига ютган.
Шерзод Ҳусанов иштирокдаги жангларни бу ерда томоша қилиш мумкин — ҲАВОЛА.
Мавзуга доир: Ўзбекистонлик боксчи Равшан Умрзоқовнинг навбатдаги жанги санаси ва рақиби маълум. Рақиб жиддий, у умуман ютқазмаган
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)