Коронавирусга қарши кураш штаби аъзоси Барно Абдусаматова хориждан шифокорларнинг Ўзбекистонга келиши маҳаллий тиббиёт ходимлари масаласида муаммо борлиги билан боғлиқ, деган миш-мишларга аниқлик киритиб ўтди.
«Бу гаплар нотўғри. Бугунги кунга қадар Соғлиқни сақлаш вазирлиги томонидан 1672 нафар COVID-19 шароитида ишловчи захира (резерв) кадрлар тайёрланди. Улар реаниматологлар, ПЗР диагностикаси бўйича лаборантлар, инфекционистлар, эпидемиологлардан иборат», — дейди Абдусаматова.
Мавзуга доир: Хитойлик ва германиялик мутахассислар Ўзбекистондаги ҳудудларда бўлиб, коронавирус эпидемияси билан боғлиқ вазиятни ўрганди
Эслатиб ўтамиз, Ўзбекистонга шу вақтгача коронавирусга қарши курашда ёрдам бериш учун 10 нафар германиялик, 15 нафар хитойлик шифокор ва тиббиёт мутахассисидан иборат гуруҳ, таркибида анестезиолог, реаниматолог, юқумли касалликлар бўйича мутахассис, эпидемиолог, терапевт ва кардиолог бор 40 нафар россиялик шифокор келган бўлса, март ойининг охиридан бошлаб Ўзбекистонда кореялик профессор — эпидемиолог Сой Чже Ук, яна бир кореялик анестезиолог-реаниматолог, бир қанча туркиялик мутахассислар, Германиянинг етакчи тиббиёт мутахассисларидан бўлмиш профессор Вернер Бер фаолият юритган.
Изоҳ (0)