Коронавирус вакцинаси муваффақиятли ишлаб чиқарилган тақдирда COVAX–механизмида иштирок этган давлат ҳукуматлари қаторида Ўзбекистон ҳам 20 фоиз аҳолини эмлаш учун етарли миқдорда вакцина шартномасига эга бўлади. Бу ҳақда Коронавирусга қарши кураш штаби аъзоси Барно Абдусаматова маълум қилди.
COVID-19 пандемиясига глобал ёндашиш мақсадида Жаҳон соғлиқни сақлаш ташкилоти, GAVI (Вакцина ва иммунизатсизация бўйича глобал альянс), шунингдек CEPI (Эпидемияга тайёргарликни таъминлаш соҳасидаги инновациялар Коалиция) барча мамлакат ҳукуматларини COVAX таъсири - COVID-19 га қарши вакцина маълумотларини ҳамма кўришини таъминлаш механизми бўйича маслаҳатлашувда иштирок этиш учун таклиф қилинган.Штаб аъзоси, бир неча вакцина компаниялари клиник тажрибаларнинг финал, яъни учинчи босқичида эканлиги, Ўзбекистонга Хитойда ишлаб чиқарилган учта вакцинанинг учинчи босқич клиник синовини ҳамкорликда ўтказиш бўйича таклифлар келиб тушганлигини ҳам билдирган.Барно Абдусаматова, Коронавирусга қарши кураш штаби аъзоси
Вакцинани етказиш, кўнгиллиларнинг тиббий ва лабораториявий текшируви, шунингдек, тадқиқот билан боғлиқ бошқа харажатлар ишлаб чиқарувчи компаниялар томонидан қопланади.
Эслатиб ўтамиз, июль ойининг охирида Ўзбекистоннинг Хитойдаги элчиси Бахтиёр Саидов ва Sinopharm Group компанияси раҳбари Лю Сзинчжен билан бўлиб ўтган учрашувда клиник синовларнинг учинчи фазасини Ўзбекистонда ўтказиш масаласи кўтарилган. Sinopharm Group таркибидан Хитой миллий биотехника гуруҳи ўрин олган.
Мавзуга доир:
- «Ўзбекистон ҳеч қачон бу йўлни танламайди» — оммавий иммунитет ҳақида Коронавирусга қарши кураш штаби аъзоси изоҳ берди
- Ўзбекистон коронавирусга қарши эмлаш дастурига қўшилди
- Хитой COVID-19 вакцинаси синовини Ўзбекистонда ўтказишни таклиф қилди
- Шавкат Мирзиёев Алишер Усмоновнинг ёрдами ҳақида: «Коронавирусга қарши қаерда янги дори топилса, пулини тўлаб олиб келиб бераман, деди»
Изоҳ (0)