Вазирлар Маҳкамасининг 2020 йил 21 августдаги «Оқсу дарёсида Рабат ГЭС қурилиши, Оқсу дарёсида Чаппасуй ГЭС қурилиши ва Оқдарё—Оқсу дарёсида Тамшуш ГЭС қурилиши» инвестиция лойиҳасини амалга ошириш чора-тадбирлари тўғрисидаги 497-сонли қарори қабул қилинди. Бу ҳақда Норма хабар қилди.
Ҳужжат Президентнинг 2017 йил 2 майдаги «2017–2021 йилларда гидроэнергетикани янада ривожлантириш чора-тадбирлари дастури тўғрисида»ги ПҚ-2947-сон ва 2020 йил 9 январдаги «Ўзбекистон Республикасининг 2020—2022 йилларга мўлжалланган инвестиция дастурини амалга ошириш чора-тадбирлари тўғрисида»ги ПҚ-4563-сон қарорларини ижро этиш мақсадида қабул қилинган.
Қарор билан қуйидагилар маълумот учун қабул қилинди:
- Осиё тараққиёт банки (ОТБ) директорлар кенгашининг 30 сентябрь 2019 йилдаги қарори билан «Барқарор гидроэнергетика» («Оқсу дарёсида Рабат ГЭС қурилиши, Оқсу дарёсида Чаппасуй ГЭС қурилиши ва Оқдарё-Оқсу дарёсида Тамшуш ГЭС қурилиши») инвестиция лойиҳасини амалга ошириш учун Ўзбекистонга 25 йил муддатга, 5 йиллик имтиёзли давр билан 60 миллион доллар миқдорида кредит ажратилиши маъқулланди;
- лойиҳанинг техник-иқтисодий асослануви (ТЕА) Молия вазирлиги ҳамда Инвестициялар ва ташқи савдо вазирлигида белгиланган тартибда экспертизадан ўтказилган.
- 60 миллион доллар – ОТБ томонидан ажратиладиган кредит;
- 5,8 миллион доллар – Ўзбекистоннинг улуши (солиқ ва божхона имтиёзлари кўринишидаги);
- 9,5 миллион доллар – «Ўзбекгидроэнерго» АЖнинг ўз маблағлари.
- «Оқсу дарёсида Рабат ГЭС қурилиши, Оқсу дарёсида Чаппасуй ГЭС қурилиши ва Оқдарё-Оқсу дарёсида Тамшуш ГЭС қурилиши» инвестиция лойиҳасининг асосий техник-иқтисодий кўрсаткичлари;
- «Оқсу дарёсида Рабат ГЭС қурилиши, Оқсу дарёсида Чаппасуй ГЭС қурилиши ва Оқдарё-Оқсу дарёсида Тамшуш ГЭС қурилиши» инвестиция лойиҳаси доирасида жалб этиладиган ОТБ кредити бўйича асосий қарзни сўндириш, фоиз ва воситачилик тўловларини тўлашнинг прогноз жадвали.
- «Ўзбекгидроэнерго» АЖ лойиҳа ташаббускори, қарз олувчи ва лойиҳанинг 2020–2022 йиллар давомида самарали амалга оширилиши ва қарздан мақсадли фойдаланилишини учун масъул ҳисобланади;
- қарзни қайтариш ва қарзга хизмат кўрсатиш билан боғлиқ харажатлар «Ўзбекгидроэнерго» АЖнинг ўз маблағлари ҳисобидан амалга оширилади;
- «Ўзбекгидроэнерго» АЖнинг «1-сон қурилиши дирекцияси» ДУК инвестиция лойиҳасининг буюртмачиси ва ижро этувчи ташкилоти ҳисобланади, шунингдек, лойиҳа ечимларини иншоотларнинг ишончлилик ва хавфсиз эксплуатация қилинишига доир талабларга мувофиқлиги нуқтайи назаридан тўғри танлаш ва қўллаш, инвестиция лойиҳаси бўйича ускуналар, маҳсулотлар, ишлар ва хизматларни кузатиш ва техник назорат ҳамда қабул қилиб олиш ва фойдаланиш учун масъул ҳисобланади.
Ҳужжат 2020 йил 22 августда кучга кирган.
Изоҳ (0)