2020 йилнинг биринчи ярмида истеъмол маҳсулотлари секторидаги инфляция Ўзбекистонда 4,6 фоизни, Тожикистонда эса 4,3 фоизни ташкил қилди. Бу ҳақда МДҲнинг Давлатлараро статистика қўмитаси маълум қилди, деб ёзмоқда Asia Plus.
Қайд этилишича, мазкур даврда энг юқори инфляция ушбу икки давлатда кузатилган.
Кўрсатилган даврда инфляция даражаси Қозоғистонда 4,2 фоиз, Беларусда 3,4 фоиз, Қирғизистонда 3 фоиз, Россияда 2,6 фоиз, Украинада 2 фоиз, Озарбайжонда 1,5 фоиз, Молдовада 1,1 фоиз, Арманистонда 1 фоизни ташкил қилган. Туркманистон бўйича маълумотлар мавжуд эмас.
Аввалроқ Ўзбекистон Давлат статистика қўмитаси 2020 йилнинг дастлабки олти ойида мамлакатда истеъмол нархлари ва тарифлари 4,6 фоизга ўсганини маълум қилганди.
Изоҳ (0)