Тилладан тикилган кийимлар, шахсий самолётида келган меҳмонлар: Дунёнинг энг кўп пул сарфланган, дабдабали тўйлари (фото)

Эътиборингизга энг кўп пул сарфланган, эртакларни эсга соладиган баъзилари эса ошириб юборилган 10 та тўй суратларини тақдим қиламиз.

10. Сена Агоглу ва Мустафа КиркалСарфланган: 8,6 миллион доллар

Мазкур тўй Туркиядаги энг дабдабали маросимлардан бири бўлган. Тўй Чираган саройида бўлган, унда келин-куёвлар учун 50 минг долларга люкс хона ижарага олинган.

9. Ким Кардашьян ва Канье УэстСарфланган: 12 миллион доллар

Модель ва рэпернинг тўй маросими харажатдан тортиб декорациясигача эсда қоларли бўлган. Ким танлаган келинлик либоси 500 минг доллар, маросим бўладиган жойни ясатиш учун 400 минг доллар, торт учун 7 минг, келиннинг соч турмаги ва макияжи учун эса 65 минг доллар сарфланган.

8. Даянгку Раабиатул ва Брунея шаҳзодаси Абдул МаликСарфланган: 31 миллион доллар

«Бир минг бир кеча» услубида ташкил қилинган тўйга 5 минг меҳмон таклиф қилинган. Келин ва куёв тилладан тикилган либос, бриллиант ва тилла билан безатилган туфли кийган. Келин гул дастаси ҳам қимматбаҳо тошлардан ясалган. Келиннинг боши ва бўйнидаги олмосдан ясалган тақинчоқ ҳақида-ку гапирмаса ҳам бўлаверади.

7. Анжелина Бейби ва Хуан СяоминСарфланган: 33 миллион доллар

Хитойлик Кардашьян сифатида маълум бўлган Анжела ва актёр Хуаннинг тўй маросими ҳам бошқаларникидан қолишмайди. Chaumet заргарлик уйига қарашли, келин учун аталган никоҳ узуги 1,5 миллион доллар бўлган. Келин кўйлак учун Dior’га буюртма берилган ва либос 5 ой давомида тикилган. Шанхайдаги конгресс ҳоллардан бирида бўлиб ўтган тўйга 200 та меҳмон таклиф қилинган. Эртак услубида ясатилган зал деворларида Disney қасрларини кўриш мумкин бўлган.

6. Кейт Миддлтон ва шаҳзода УильямСарфланган: 34 миллион доллар

Кейт Миддлтоннинг келинлик либосига 434 минг доллар сарфланган. Таклиф қилинганлар орасида Британия қироллиги ҳамда бутун дунёнинг 40 дан ортиқ монарх оилалари вакиллари, ўнлаб давлат раҳбарлари ва машҳурлар бўлган. Маликанинг никоҳ узуги Wartski брендига тегишли бўлиб, Уэльс тилласидан ясалган. Кейт, бош аксесуари сифатида қиролича Елизавета II 1936 йилда таққан бриллиант тиарадан фойдаланган. Тўй санасида аҳоли учун дам олиш куни деб эълон қилинган.

5. Ваниша Миттал ва Амит БхатияСарфланган: 58 миллион доллар

Ҳақиқий шарқ эртакларини эсга соладиган никоҳ маросими Парижда бўлиб ўтган. Мингдан ортиқ меҳмон таклиф қилинган мазкур тўй тантаналари олти кун давом этган. Меҳмонлар учун Le Grand Continental меҳмонхонасидан 600 та хона ижарага олинган. Биринчи қаватда меҳмонлар учун гўзаллик салони, сартарош ва сари бўйича мутахассислар фаолият юритган. Ташриф буюрувчиларнинг ҳар бирига Gucci ёки Prada брендидан сумка берилган. Никоҳдан ўтиш маросими XVII асрнинг ўрталарида қурилган Во-ле-Виконтда бўлиб ўтган. Келиннинг отаси қизи яхши кўргани сабаб Кайли Миноугни таклиф қилган ва унинг ижроси бошқалар учун ҳам кутилмаган бўлган.

4. Мукеш Амбани ва Аджай ПирамалСарфланган: 100 миллион доллар

5 кеча-ю 5 кундуз давом этган мазкур ҳиндча тўйда Голливуд ва Болливуднинг таниқли юлдузлари иштирок этган, Бейонсе қўшиқ куйлаган. Таклиф этилган 2 минг меҳмон, маросим жойига 100 нафар хусусий самолётларда келтирилган ва беш юлдузли меҳмонхоналарга жойлаштирилган. Ташриф буюрганларнинг ҳар бирига Dolce&Gabbana брендидан бриллиант браслетлар совға қилинган.

3. Малика Диана ва шаҳзода ЧарльзСарфланган: 110 миллион доллар

«Аср тўйи» деб таъриф берилган тўйнинг хавфсиз ўтиши учунгина 600 минг доллар сарфланган. Диана 10 минг марварид билан безалган либос ва 132 марварид қадалган ва тайёрланишига 5 ой кетган туфли кийган.

2. Лолита Авдольян ва Гаспар ОсмановСарфланган: 680 миллион доллар

2017 йилда уйланган Гаспарнинг отаси Альберт Авдольян айнан ўша йили Forbes рўйхатидан 123 ўринни эгаллаган. Никоҳ маросими ҳар йили Оскар тақдирлаш маросими ўтказиладиган Лос-Анжелесдаги залда, бўлиб ўтган.

https://www.instagram.com/p/BWCHeevHsCQ/?utm_source=ig_embed

Меҳмонларга бериладиган совғаларнинг ўзига 823314 доллар сарфланган. Тўйда рус ва хориж шоу-бизнес вакиллари иштирок этган. Зални ижарага олиш ва хонандаларга тўланган пуллар билан жами 8 147 745 доллар сарфланган.

1. Хадижа Ужахова ва Саид ГутсериевСарфланган: 1 миллиард доллар

Россиялик миллиардер Михаил Гутсериев ўғлининг тўй маросимида Женнифер Лопес, Стинг, Энрике Иглесиас ва бошқалар қўшиқ куйлаган. 25 кг оғирликда бўлган келинлик либоси Францияда тикилган. Зални гуллар билан безатиш учун тахминан 200 минг доллар атрофида маблағ сарфланган.

https://youtu.be/FJ0TTkbZWEA

Москванинг «Cafica» ресторанида бошланган тўй кейин Лондонда давом этган ва унда Элтон Жон ва Бейонсе қўшиқ куйлаган. Daily Mail’нинг ёзишига қараганда мазкур тўй учун жами 1 миллиард доллар сарфланган.