Қўшиқчи Леди Гага нафақат ижоди, балки тадбир ва концертлардаги ўзига хос услубда кийиниши билан ҳам бошқалардан ажралиб туради. MTV—Video Music Awards тақдирлаш маросими ҳам хилма-хил либослар билан мухлисларини ҳайратга соладиган хонанда учун истисно бўлмади. Ушбу маросимда ижодкор нақ тўққизта кийимда намоён бўлди. Леди Гаганинг мазкур футуристик услубдаги либосларининг мос ҳимоя ниқоби бўлган, деб ёзади Harper’s Bazaar.
«Ўзингизни севинг, атрофдагиларга марҳаматли бўлинг, ниқоб тақишни унутманг», — деган хонанда нутқи давомида. Қуйида Леди Гаганинг маросимдаги либослари суратларидан айримлари билан бўлишамиз.
Космонавт образида намоён бўлиш учун Аrea’нинг кумушранг курткаси, Muscarella’нинг шаффоф аквариумни эсга соладиган шлеми ва Pleasers’нинг платформали, баланд пойабзалидан фойдаланган.
Disney маликалариники сингари кўринишга эга бўлган яшил либос Christoper John, ҳимоя ниқоби эса Lance V Moore томонидан тақдим қилинган.
Candice Cuoco’нинг фольга қоғозидан тикилган плаши, Manuel Albarran’нинг тақинчоғи, Maisonmet’нинг ҳимоя ниқоби ва Valentino’нинг кумушранг бодиси билан хонанда қор маликаси образини яратишга муваффақ бўлган.
Ўзига хос ранглар умумлашмасидан иборат мазкур кўйлак Iris van Herpen’га, ультрабаланд пошнали қора пойабзал эса Pleasers’га тегишли.
Бўйиндан оёққача бутун қисми зар билан қопланган боди ва оқ патли пальто муаллифи Valentino ҳисобланади.
Ушбу образда эса Леди Гага BCallа’нинг футуристик комбинезони, Edward Avedis’нинг камари ва Saint Laurent’нинг оёқ кийимида намоён бўлган.
Мавзуга доир:
- Леди Гага иштирокидаги Гуччи ҳақидаги фильм премьераси қачон бўлиши маълум бўлди
- Бритни Спирс, Меган Фокс ва Леди Гага — ўғрилик қилиб қўлга тушган Голливуд юлдузлари
- Табассумини суғурталаган, УЗИ аппаратини уйга олиб келган, мактабда калтакланган. Юлдузлар ҳақида сиз билмаган фактлар
- Ўзига ортиқча бино қўйган машҳур шахслар
- Persona non grata: Турли мамлакатларга кириши тақиқланган машҳур шахслар
Изоҳ (0)