Ўзбек миллий академик драма театри директори, Ўзбекистонда хизмат кўрсатган артист Фатҳулла Масъудов 57 ёшида коронавирус оқибатида вафот этди. Бу ҳақда Ўзбекистон Маданият вазирлиги ахборот хизмати хабар берди.

Фото: «Дарё»

Ўзбекистон Маданият вазирлиги жамоаси Фатҳулла Маъсудовнинг оила-аъзолари ва барча яқинларига чуқур таъзия изҳор қилади, дейилади хабарда.

Фатҳулла Масъудов 1963 йилда Тошкент шаҳрида таваллуд топган. 2015 йилдан буён Ўзбек Миллий академик драма театри директори лавозимида ишлаб келаётганди. 1999 йили «Шуҳрат» медалига сазовор бўлган, 2003 йили «Ўзбекистон Республикасида хизмат кўрсатган артист» унвони билан мукофотланган. 2014 йилда «Меҳнат шуҳрати» ордени билан тақдирланган.

Аввалроқ ижтимоий тармоқларда актёрнинг вафот этгани ҳақида хабар тарқалган, актриса Муқаддас Саъдуллаева эса поччасининг тирик эканлигини айтиб, ушбу хабарларни рад этганди.

Эслатиб ўтамиз, 25 август куни Ўзбекистон халқ артисти Дилбар Икромова коронавирус оқибатида вафот этганди.