Ўзбекистонда хизмат кўрсатган артист Саида Раметова «Дарё» интернет-нашри учун эксклюзив интервью берди. Интервьюни «Дарё» мухбири Феруз Муҳаммад ҳамда журналист, телебошловчи Шоҳира Ҳамро ташкиллаштирди.
Актриса Саида Раметова суҳбат давомида кўкрак саратонига чалингани ҳақида ўғли эшитиб шокка тушиб қолгани, опаси ва қайинсинглиси коронавирусдан вафот этгани ҳақида гапириб берди.
Боламга касал бўлганимни айтганимдан сўнг, болам шошиб-пишиб, шокка тушиб қолди. Нимагадир айтгим келди. Худди уларни бошқа кўра олмайдиган, ҳаттоки операцияга ҳам ета олмайдиган, ҳеч кимга ҳеч қандай гапимни айта олмайдигандек туюлди.Опам раҳматли бир ҳафта ичида ҳеч кимга ҳеч нарса айта олмасдан коронавирусдан вафот этди. Кейин қайинсинглим ҳам шу касалдан вафот этди. Жумадулла ҳам жуда оғир касал бўлдилар. Ҳаммасини ичимга олдим, йиғладим-йиғладим, қўлимдан ҳеч нима келмади, куюндим. Туркиядаги шифокорлар депрессияга тушиб қолганимни, кўп сиқилганимни айтишди. Ўша учун барча гапларимни боламга, яқинларимга айтиб қолай деб, касал бўлганимни уларга айтгандим.
Саида Раметова, Ўзбекистонда хизмат кўрсатган артист
Изоҳ (0)