ТCL компанияси корпусида бирор-бир камераси, жумладан, асосий камераси ҳам кўринмайдиган смартфонни патентлади, деб хабар беради LetsGoDigital.
Номаълум девайс бошқа смартфонларга қараганда дисплейи атрофидаги ҳошияларнинг кенгайгани билан ажралиб туради. Бироқ қизиқ томони — орқа панелида сенсорлар мавжуд эмас.
Шу билан бирга, қурилма корпусининг юқори қисми қолган смартфонларга қараганда қалин, бу яширин камера конструкциясига боғлиқ бўлиши мумкин. Аммо ТCL’нинг патент ҳужжатларида бу ҳақида ҳеч нарса дейилмаган. Компания орқа панелдаги кўринмас камера модули учун OnePlus Concept One технологиясидан фойдаланган бўлиши мумкин. Смартфон орқа қисми шишали панелга эга бўлиб, камералардан фойдаланилганида шаффофга айланади.
Анъанавий равишда олиб қараганда, патентлар ишлаб чиқарувчи тез орада ростан ҳам шу каби дизайнга эга смартфонни тақдим этишини англатмайди. Ҳозирча ҳатто камераси экран остида жойлаштирилган технологияларининг кўплаб прототиплари мавжудлигига қарамай, бу каби қурилмалар сотувда мавжуд эмас.
Аввалроқ Xiaomi айланувчи камерага эга смартфон устида иш бошлагани, ZTE эса кўринмас фронтал камерага эга биринчи смартфонни тақдим этгани тўғрисида хабар берилганди.
Изоҳ (0)