Samsung Galaxy А11 смартфони ярим йил олдин тақдим этилганига қарамай, компания ҳозирда унинг ўрнини босувчи модель устида иш олиб бормоқда, деб хабар беради IXBT.
Янги модель Galaxy А12 номига ва Galaxy А11’дан кўра икки баробар каттароқ флеш-хотирага эга бўлади. Шу сабабли Galaxy А12’ни Samsung’нинг 64 гигабайт флеш-хотирага эга арзон смартфони деб аташ мумкин.
Шу билан бирга, янги смартфон бошқа янгиликларга ҳам эга бўлади. Масалан, тезкор хотира стандарт 3 гигабайтга айланади, аккумулятор сиғими эса 4000 мА/соатга етади. Смартфоннинг бошқа техник тавсифлари эса ҳозирги моделникидан фарқ қилмайди. Хусусан, олдингидек 13, 5 ва 2 мегапикселли камера датчиклари, диагонали 6,4 дюймга тенг Infinity-О экрани сақлаб қолинади.
Маълум қилинишича, ҳозирда Galaxy А12 устида иш олиб борилмоқда, шу сабабли у камида икки ойдан сўнг тақдим этилади. Қурилма қора, оқ, қизил ва кўк рангларда сотувга чиқади.
Аввалроқ Samsung сиғими 6000 мА/соатга тенг Galaxy М31 s моделини тақдим этгани тўғрисида хабар берилганди.
Изоҳ (0)