Xiaomi ўзининг флагман линейкалари учун бешта смартфондан иборат янги қурилмаларни тайёрлаб қўйди — Mi 10, Mi 10 Pro, Mi 10 Lite, Mi 10 Lite Zoom ва Mi 10 Ultra. Эндиликда «ўнлар» коллекциясидан Xiaomi Mi 10T Pro ҳам ўрин олди, деб хабар беради XDA Developers.
Иккита янги девайс тақдим этилади: Mi 10T ва Mi 10T Pro. Кичик модель Apollo, каттаси эса Apollo pro шартли номи билан маълум.
Суратлардан кўриш мумкинки, смартфон фронтал камера қирқимига эга улкан дисплейга эга бўлган. Экранга оид батафсил маълумотлар ошкор этилмаган, бироқ ёзишларича, унга 144 герцли OLED-матрица ўрнатилган. Қурилма ичига Snapdragon 865 ёки Snapdragon 865+ ўрнатилиши кутилмоқда.
Стандарт Xiaomi Mi 10T’нинг асосий камераси 64 мегапикселлни ташкил этади. Pro версиясига 108 мегапикселли датчик ўрнатилади. Иккала қурилмадан ҳам учталик камера ўрин олади.
Mi 10T Pro сиғими 5000 мА/соатга тенг аккумулятор ёрдамида ишлайди, тезкор қувватланиш функциясига эга бўлади.
Янги девайс нафақат Хитойда, балки бошқа бир нечта бозорларда тақдим этилиши кутилмоқда. Яқин вақтлар ичида гаджетларнинг техник тавсифи ва уларнинг нархига оид маълумотлар пайдо бўлиши керак.
Аввалроқ Xiaomi Mi 10 Ultra’нинг рекорд даражадаги кенг бурчакли камераси реалликни кескин бузиб кўрсатаётгани маълум бўлганди.
Изоҳ (0)