Жасур Умиров Райҳонга ўхшаган қиз излаётгани, радарга 4 минг доллар тўлагани, Ўзбекистоннинг машиналари «бир тийинга қимматлиги» ҳақида гапирди (видео)

Хонанда Жасур Умиров MY5 телеканалининг «Омон-омон» кўрсатувида меҳмон бўлди. Суҳбат давомида у анчадан буён уйланиш учун муносиб қиз излаётганини айтиб ўтди.

«Ҳар куни кўчага чиқиб кетиб, қиз излайман. Мен уйланмоқчи бўлган қиз ташқи кўриниши билан Райҳонга ўхшаши керак», — дейди Жасур Умиров.

Хонанда шу пайтгача бир неча қиз билан гаплашиб юргани, бироқ уларнинг ҳеч бири уни бўйдоқлик билан хайрлашишга мажбур қила олмаганини айтиб ўтди.

Кўрсатув бошловчилари Жасур Умировдан «Уйингизда ЙПХ хизматидан ‘бахт мактублари’ келиб турадими?» деб савол берди.

«Бизда камералар ўрнатилганидан бери светофорнинг қизил чироғига умуман тўхтамаганман. Бунга сабаб бор эди. Битта Эргаш деган ‘ГАИ’ акамиз ‘юравер, ўчиртириб бераман’, деганига ишониб, қизилдан ўтиб, радарлар олдидан ҳам катта тезликда юраверганман. Саккиз ой деганда уйимга ҳамма жарималар тўпланиб келди. Ҳаммаси бўлиб 200 доллар кам 4000 доллар пул тўладим», — дейди хонанда.

Жасур Умиров Ўзбекистонда ишлаб чиқарилган автомобиллар ҳақидаги фикрини ҳам айтиб ўтди.

«Ўзбекистонда охирги йилларда чиққан автомобиллар ростан ҳам яхши чиқди. Лекин Captiva’гача бўлгани мен учун бир тийинга қиммат, деб биламан. Хорижий автомобилларни ҳайдаганингиздан кейин уларга ўтиргингиз ҳам келмай қолади, тўғриси», — дейди хонанда.