Ўзбекистон 2020 йилнинг 1 август ҳолатига кўра, қиймати 18,9 миллион АҚШ долларига тенг бўлган 21,5 минг тонна узум маҳсулоти хорижга экспорт қилинди. Бу кўрсаткич ўтган йилнинг мос даврига нисбатан 9,1 минг тоннага кўп, дея хабар бермоқда Давлат статистика қўмитаси.
Узум маҳсулотини экспорти бўйича Қозоғистон 12,5 минг тонна кўрсаткич билан етакчилик қилмоқда. Шунингдек, Россияга 6,2 минг тонна ва Қирғизистонга 2,3 минг тонна узум меваси экспорт қилинган.
Таъкидланишича, пандемия шароити бўлишига қарамай 13 та давлатга Ўзбекистон узумларининг экспорти амалга оширилган. Айниқса, бу йил Германия, Литва ва Туркманистон давлатлари бозорларида Ўзбекистонда етиштирилган узум маҳсулоти биринчи бор сотилмоқда.
Экспорт қилинган узум маҳсулотининг энг кўп улуши Фарғона (6,2 минг тонна), Тошкент (4,3 минг тонна), Наманган (3,1 минг тонна), Хоразм (2,1 минг тонна) ва Қашқадарё (1,7 минг тонна) вилоятлари ҳиссасига тўғри келди.
Изоҳ (0)