Бельгиянинг Хасселт университети тадқиқотчилари яшил табиат қўйнида улғайган болаларнинг IQ даражаси юқори бўлишини аниқлади, деб хабар беради Euronews Living.
Маълум қилинишича, улар турли минтақаларда истиқомат қилувчи 10-15 ёш оралиғидаги 600 дан ортиқ болага тегишли маълумотларни таҳлил қилиб, когнитив ривожланиш даражаси ва табиат ўртасида тўғридан-тўғри алоқа борлигини аниқлаган.
Шундай қилиб, яшил маконларнинг 3 фоизга кўплиги боланинг IQ’сини ўртача 2,6 пунктга кўтарган. Эътиборли жиҳати, ушбу модель барча ижтимоий-иқтисодий қатламлардаги болаларда қайд этилган. Бу табиат ва когнитив ривожланиш ўртасидаги боғлиқлик нафақат оиладаги тарбия ва унинг молиявий аҳволига боғлиқлигини кўрсатади.
Олимларнинг тахминича, яшил ҳудудларда истиқомат қилувчи болалар камроқ стрессга учрайди, шовқиндан камроқ азият чекади ва ижтимоий ўйинлар учун кўпроқ имкониятга эга бўлади.
Бундан ташқари, яшиллик экологик устунликка эга, ҳавонинг ифлосланишини, шовқин ва иссиқликни камайтиради. Шу билан бирга, бу болаларнинг соғлом улғайиши ҳамда уларнинг ижтимоий ҳамжиҳатлигига кўмаклашади.
Изоҳ (0)