AstraZeneca Англия ҳамда Швеция фармасевтик компанияси COVID-19 коронавирус инфекциясига қарши профилактика ва касалликни даволашда фойдаланиладиган препаратни синовдан ўтказишни бошлади. Бу ҳақда The Guardian хабар тарқатган.
Препарат синовларида 18 ёшдан 55 ёшгача бўлган 50 нафар британиялик волонтёр иштирок этади. Айримлар янги дорининг дозасини қабул қилиб улгурган. Нашрнинг ёзишича, тест жараёнида экспертлар препаратнинг самарадорлиги ва организмнинг унга муносабати қандай бўлишига асосий эътиборни қаратади.
Оксфорд университети олимлари билан биргаликда коронавирусга қарши вакцина ҳам ишлаб чиқаётган AstraZeneca компаниясининг маълум қилишича, AZD7442 ишчи номига эга препаратда идентик иммун ҳужайралари томонидан ишлаб чиқиладиган иккита антитана комбинацияси мавжуд.
«Ушбу синовлар идентик антитаналар комбинациясини ишлаб чиқиш ёки COVID-19’ни даволаш жараёнида биз учун муҳим босқич», – дея биофармасевтик тадқиқотлар компаниясининг вице-президенти Мене Панголас сўзларини келтирган нашр.
Шунингдек, у антитаналарнинг бундай комбинацияси препаратнинг самарадорлигини ошириб, ундан фойдаланиш давомийлигини ҳам узайтириши мумкин, шу билан бирга дори вирусга муносиб қаршилик қила олади.
Аввал АҚШ ҳукумати Буюк Британия вакцинасини жорий этишни тезлаштирмоқчи экани, ЖССТ раҳбари COVID-19 пандемияси камида икки йил муддатда енгиб ўтилишини билдиргани, коронавирусга қарши Хитой вакцинаси декабрь охирида сотувга чиқиши ҳақида хабарлар берилган.
Изоҳ (0)