«Навбаҳор» бош мураббийи Андрей Канчельскис Coca-Cola Суперлига 12-тури доирасида ОКМКга қарши кечган ўйиндан (1:1) сўнг ўз фикрлари билан ўртоқлашди.
Аввало барча футболчиларимга раҳмат айтаман. Бу ўйинда беш нафар футболчимиз коронавирусга чалиниб ёрдам бера олмади. Ўтган баҳсдаги дисквалификация сабаб яна бир ўйинчимиз майдонга тушмади.«Навбаҳор» 12-турдан кейин 19 очко билан 6-ўринда бормоқда. Жамоа кейинги турда «Қўқон-1912»га қарши баҳс олиб боради.ПФЛга ўйинни қолдириш ҳақида мурожаат қилдик, лекин қолдирилмади. ОКМКдан сўрадик, улар ҳам йўқ деган жавобни берди. Ҳаёт давом этади. Энди кейинги ўйинга тайёргарлик кўрамиз.
ОКМК бизга нисбатан бир кун кўпроқ дам олди. Бу эса уларга устунлик берди. Натижада иккинчи бўлим охирларида рақиб устунлик қилди. Футболда бир кун ортиқча дам олиш ҳам кўп нарсани англатади. ОКМК ўтган йил ҳам қўшиб берилган дақиқаларда гол уриб дуранг қайд этганди, бу йил ҳам шундай бўлди.
Бундай тақвимда ўйнаш осон эмас. Мен бу ҳақда ПФЛга ҳам айтганман. Мен ҳеч қачон қорани оқ, оқни қора демайман. Доим оқни оқ, қорани қора деб айтиб келганман. Бу ўйинда ҳаммаси жойида бўлди: ташкилотчилик, майдон, ўйиннинг бошланиш вақти, ҳеч қайси жиҳатдан эътирозим йўқ. Бир сўз билан айтганда супер.
«Сурхон» билан ўйинда эса даҳшатли бўлганди. Биз кийим алмаштириш хонасига киряпмиз, у ерда сантехник трубани ямаб ўтирибди. Кўряпсизми, нималар бўлган. Бизга марказлашган чемпионатга келиб ўйнайсизлар дейишди ва биз келдик, лекин ташкилотчи биз эмасмиз.
Исталган жамоага беш нафар асосий футболчиси майдонга тушмаса қийин бўлади. Шунга қарамай, бу ўйинда майдонга тушганлар борларини берди. Йигитларга катта раҳмат.
Ҳар уч кунда қандай қилиб ўйнаш мумкин деб сўраганимда, ана Англияда ўйнашяпти-ку деган жавобни олдим. Кечириб қўясиз, Англияда мана мен ўйнаганман ва у ердаги шароит, ташкилотчилик, об-ҳаво, майдонлар ҳолати ва бошқаларни жуда яхши биламан. Лекин Англияда ўйнашяпти-ку дейдиган одамнинг ўзи Англияга бориб футбол кўрганмикин.
Футболчи ўйиндан роҳат олиши керак, бунинг учун ҳамма нарса комфорт даражада бўлиши шарт. Агар сиз шудгорга чиқсангиз, қандай қилиб ўйиндан роҳат оласиз? Шунга қарамай биз «Сурхон» билан ҳам ўйнадик ва бунинг учун ҳам шогирдларимга раҳмат айтаман.
Яна нима дейишим мумкин? Агар биз ҳам ОКМКга ўхшаб бир кун кўп дам олганимизда балки бу ҳисоб бошқача бўлармиди? Мен жамоадаги вазиятдан келиб чиқиб дурангни ёмон натижа дея олмайман. Иван Соловёв 8 кун шуғулланмади, у ўйинга киришиб кетиши учун 8 кун машғулот олиб бориши керак бўлади.
Ўйлайманки, «Қўқон-1912» билан бўладиган баҳсда ижобий натижага эришамиз. Лекин ҳаётда футболдан ҳам муҳим нарсалар бор, бу аввало инсонлар соғлиги. Ахир ҳаммамиз бир марта яшаймиз, ҳеч кимга уч марта умр берилмайди-ку, тўғрими?
Андрей Канчельскис, «Навбаҳор» бош мураббий
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)