Ўлик деб топилиб дафн қилиш бюросига келтирилган Таймиша Бошампни сўнгги манзилга кузатилишдан аввал нафас олаётгани аниқланган. Бу ҳақда «Korrespondent.net» хабар беради.
Қайд этилишича, Мичиган штати Детрройт шаҳрида истиқомат қиладиган 20 яшар Бошамп ўзини ёмон ҳис қилгани учун шифокор чақирилган. Тез ёрдам жамоаси ярим соатлик уринишдан кейин қизни ўлик деб топган.
Қиз танасида қотиллик аломатлари бўлмагани учун суд экспертизаси ўтказмасликка қарор қилинган ва оила аъзоларига дафн қилиш учун топширилган. Дафн бюросига келтирилганидан кейин эса ходимлар Таймишанинг кўзи очиқлиги ва нафас олаётганига гувоҳ бўлган. Бу вақтда қиз ўлик деб топилганидан уч соат вақт ўтган.
Прокурор Жеффери Фигернинг айтишича, ўликлар солинадиган қоп очилганида қизнинг тирик эканлиги маълум бўлган. Таймиша ўша заҳотиёқ шифохонага юборилган ва сунъий нафас бериш аппарати уланган.
«Бир ярим соатлик кечикиш Бошампнинг саломатлигида ҳал қилувчи рол ўйнаши мумкин»,— деб қўшимча қилади Фигер.
Изоҳ (0)