Таиландда йиллар давомида юк ташиб, сайёҳларни сайр қилдирган, бўйсунмаганида калтакланган 73 ёшли фил Save Elephant Foundation фонди томонидан қутқарилди.
Таъкидланишига қараганда, танаси ва бошида калтакдан қолган излар бир талай бўлган Сук-Жай номли ушбу фил кўриш ва қисман эшитиш қобилиятини йўқотган.
Филнинг азобланиши ва қийин тақдири Таиланд филларининг популяциясига ёрдам бериш, сақлаш, шунингдек, ушбу камёб тур ҳақида аҳоли хабардорлигини ошириш билан шуғулланадиган Save Elephant Foundation вакилларини бефарқ қолдирмаган. Сук-Жай фонд ходимлари томонидан у тинч қарилик гаштини суриши мумкин бўлган қўриқхонага олиб кетилган.
Юк ташиш машинасига чиқарилганда фил қалтираган, йўл бўйи хартумини кўтариб, уни қаерга олиб кетишаётганини билмоқчи бўлган. Филни ҳайдовчидан ташқари фонднинг кўнгилли вакилларидан бири кузатиб келган ва қорни оч бўлгани сабаб йўлда тўхташга тўғри келган.
70 йилдан кўп вақт ўтиб, калтаксиз, ўз хоҳишига қараб ҳаракатланиши мумкинлигини билган Сук-Жай кўзларидан ёш оққан. Манзилга етган фил кўзлари кўрмаслигига қарамай, юк машинасидан тушиши билан сув томон ҳаракатланган.
Мавзуга доир:
Изоҳ (0)