АҚШ президентининг ўғли кичик Дональд Трамп Республикачилар партиясининг сайловолди намойишларидан биридаги чиқиши орқали Несси мамлакатининг миллий ва туристик рамзларидан бири — Лох-Несс кўлидаги афсонавий махлуқ ҳақида менсимасдан гапириб, Шотландия аҳолисини ҳафа қилиб қўйди, деб ёзади Huffington Post.
Шотландияликлар Оқ уй раҳбарининг ўғли 2020 йилги президентлик сайловида отасига рақиблик қилаётган Демократлар партияси номзоди — Жо Байденни «ботқоқдан чиққан Лох-Несс махлуқи» деб атагани ғазаблантирган.
«Сўнгги ярим асрдан буён у қаерлардадир тентираб юрибди, сайловларга бошини суқяпти, кейин йўқолиб қолиб, умуман кўриниш бермаяпти», — дейди кичик Трамп Байден ҳақида.
Президент ўғлининг бу каби сўзлари нафақат республикачилар ва демократлар тарафдорларини, балки Шотландия аҳолисининг ҳам жаҳлини чиқарган.
«Несс кўлда яшайди ва бу каби беодобларча муносабатга лойиқ эмас», «Нега кичик Трамп махлуқни иблислаштирмоқчи? Шотландияда уни муносиб жонзот дея ҳисоблашади ва одамлар уни кўришни истайди», «Сен Шотландияда жин ургур гольф-клубга эгалик қиласан, ва Лох-Несс ботқоқ эмаслигини билмайсанми?» дея ижтимоий тармоқларда кичик Трампнинг фикрига изоҳлар қолдирилмоқда.
Аввалроқ АҚШ президенти Дональд Трамп 2020 йил ноябрь ойида бўлиб ўтадиган сайловда асосий курашни ўзининг демократлардан бўлган рақиби Жо Байден билан эмас, балки ОАВ билан кўраётгани ҳақида гапирганди.
Мавзуга доир: Олимлар Лох-Несс кўли маҳлуқини излашни режалаштирмоқда
Изоҳ (0)