Cosmopolitan аксарият аёлларнинг энг катта муаммоси ҳисобланган тери қуриши борасида бир қанча маълумот берди. Мутахассисларнинг фикрига кўра, тери қуришининг кўпгина сабаблари бўлгани каби ечими ҳам мавжуд.
Юз тез фурсатда ёғланади
Юзнинг тез-тез ёғланиши кузатилганда қуритиш воситасидан кўп фойдаланиш мумкин эмас. Сабаби у мутлақо тескари натижани беради. Бу эса юзда турли хил тошмалар тошишига олиб келади. Бунинг олдини олиш учун эрталаб юздаги ёғлилик даражасини камайтирувчи, тунда эса намлантирувчи кремлардан фойдаланиш зарур. Айниқса, омега-3 зардобини ҳафтада бир неча маротаба қўллаган яхши. Вақт ўтиши билан у ёғ безларининг ишлаш жараёнини меъёрга келтиради.
Қаришнинг олдини оладиган воситалар самара бермайди
Қуриган терида энг фаол намлантирувчи концентратни қўллаш ҳам ёрдам бермаслиги мумкин. Бунинг учун, аввало, намлик даражасини меъёрлаштириш керак. Қаришнинг олдини олувчи воситалардан фойдаланишда уларнинг қаторига намлантирувчи кремларни ҳам қўшиш зарур.
Косметик восита ўзгартирилмаса-да, юзда тошмалар пайдо бўлади
Тери таъсирчанлигининг ортиб бориши ҳам намлик етишмаслигидан дарак беради. Парвариш учун тинчлантирувчи ҳамда озиқлантирувчи ниқоблардан фойдаланиш керак. Икки ҳафта мобайнида кун оралаб ушбу ниқоблар қўлланса, натижаси узоқ вақт талаб этмайди.
Уйқу меъёрида бўлса ҳам кўз атрофида қора доғлар тиниқлашади
Кўз атрофидаги ўзгаришлар, асосан, гидролипид балансининг бузилганидан дарак беради. Бунинг учун қайта тикловчи кремдан фойдаланинг. Ушбу ҳолатни яхшилашда озиқлантирувчи воситалардан ортиқча қўлламаслик зарур. Кўпроқ ментолли (ялпиз мойидан олинадиган кристалл модда) маҳсулотлардан фойдаланилса, натижа дарҳол сезилади. Бу тез фурсатда терини оқартиради ва шишни қайтаради.
Елка ва ияк соҳасида тери кўча бошлайди
Терида намлик камайган сари қуруқлик даражаси ортиб, тери кўчиши юзага келади. Афсуски, уни пардоз ёки бошқа бирор восита билан беркитиб бўлмайди. Аксинча, камчиликни янада бўрттириб кўрсатади. Бунинг олдини олиш учун қаттиқ скраблардан фойдаланмаслик керак. Ундан кўра, фаол маҳсулотлар истеъмолини кўпайтирган афзал. Тозаловчи кўпикнинг ўрнига гелдан фойдаланиш керак. Юзлар ювилгандан сўнг юмшоқ сочиқда эмас, қоғоз салфеткалар ёрдамида қуритиш терининг қуриган, дағал жойларини тезроқ силлиқлайди. Кечаси терини қайта тикловчи воситасидан мунтазам фойдаланган маъқул.
Изоҳ (0)