Гормон ўзгариши натижасида ўспиринлар дуч келадиган муаммолардан бири бурун, пешона, ияк соҳаларидаги қора доғларнинг пайдо бўлишидир. Аммо улар кейинчалик ҳам ҳамроҳ бўлса, ундан халос бўлишнинг бир қанча усуллари бор. Бунинг учун кўп нарса талаб этилмайди, ниқобларни уй шароитида тайёрлаш мумкин.
Юзда қора доғлар пайдо бўлишининг сабаблари
Уларнинг сабаби бир қанча. Қора доғлар ҳар доим ҳам ёғли юзларда эмас, ёғ безлари каналлари ёпилиб қолганда тери остига ёғ тўпланади, бу оқ масса ташқаридан қора нуқта бўлиб кўринади. Бундай қора доғлар қуруқ юзли қизларда ҳам чанг ва ташқи таъсир туфайли ҳам юзага келиши мумкин. Шунингдек, юзга мос тушмаган кремлардан фойдаланиш ҳам қора доғларнинг пайдо бўлишига олиб келади.
Уй шароитида тайёрланадиган ниқоблар ёрдамида қора доғларни кетказиш
- Ниқобнинг қора доғларга таъсир қилиши оддий. Терига ёпиштирилган кучли плёнка ечилганда терининг бўшлиқ қисмларигача тортиб олади. Бундай маҳсулотни дорихонадан сотиб олиш шарт эмас. Чунки у энг оддий маҳсулотлардан тайёрланади. Масалан, тухум оқини яхшилаб кўпиртириб, юзнинг муаммоли қисмига суртилади. Устидан қоғоз салфетка қўйилиб, яна тухум оқи суртилади. Қатламлар иложи борича қалинроқ бўлиши керак. Ниқоб қуриши учун юзда 20-30 дақиқага қолдирилади ва кескин ҳаракат орқали юздаги салфетка тортиб олинади. Салфетка қанчалик тез ечилса, самараси шунча яхши бўлади.
- Шунингдек, уй шароитида тайёрланувчи яна бир ажойиб ниқобга шарбат ёки сут ва бир жуфт қошиқ желатин кифоя. 100 мл сут илитилиб, желатин қўшилади. Ярим соатдан сўнг буғга қўйиб аралаштирилади. Масса совигунча юз макияждан тозаланади. Ниқоб қора нуқта бор жойларга пахта ёрдамида суртилади.Ярим соатдан сўнг ниқоб иякдан бошлаб ечилади. Юз ювилгандан сўнг намлантирувчи крем суртилади.
- Нуқталарни энг самарали даволаш усулларидан бири оқ лой (каолин) бўлиб, уни ҳар қандай дорихонадан кукун шаклида топиш мумкин. Бунинг учун кукун сув билан етарлича қалин массага айлантирилади, яхшилаб аралаштирилади. Кўз ва лаблар атрофидан ташқари муаммоли жойларга суртилади. 15 дақиқадан сўнг илиқ сув билан ювиб юборилади.
- Яна бир халқона усул – 20 дақиқа давомида кефир юзга суртилади. Унинг таркибидаги кислота ёғларни эритиб, қора доғларни йўқотади. Ушбу ниқоб ёғли ёки аралаш юзларда жуда яхши самара беради.
- Қора доғларни кетказишда доим рўзғордан топиладиган ичимлик содасидан ҳам фойдаланиш мумкин. Ичимлик содаси иссиқ сувга солиниб, ҳосил бўлган масса 40 дақиқа давомида юзга суртилади. Ушбу ниқобдан бир ой давомида ҳафтасига икки маротаба фойдаланиш мумкин. Ҳам арзон, ҳам самарали.
Изоҳ (0)