Чиройли турмак ва сочнинг янги ранги ҳар қандай аёлни ҳам бутунлай бошқа одамга айлантириши мумкин. Масалан, буни литвалик сартарош Юргита Малакаускайте ҳар куни ўзининг SelfStation номли гўзаллик салонида исботламоқда.
Юргита қўлига илк бора қайчи олганида 16 ёшда эди. У ўзининг касбий фаолиятини она шаҳри Мажекайда ота-онаси томонидан очилган кичик гўзаллик салонидан бошлаган, ҳозирда 24 йиллик тажрибага эга Юргита аёлларга гўзал қиёфа бахш этиш учун нима қилиш кераклигини аниқ билади.
Сартарош ўз ишида нафақат мижознинг сочига, балки тери ва кўзлар рангига ҳам эътибор беради. Юргита мижозларнинг сочларини ранги ва мураккаблигига қараб тўрт фаслга – қиш, баҳор, ёз ва кузга ажратади. «Бу худди расм чизишга ўхшайди. Аввал таҳлил қиласиз, ранг танлайсиз, аралашиб кетган рангларни чиқариб ташлайсиз. Шундан сўнг мижознинг ташқи кўриниши, юзнинг шакли ва сочларнинг тузилишини ўрганиб, ‘расм чизишъни бошлаш мумкин», – дейди сартарош.
«Сочлар – бу энергия, дейди Юргита. – Айрим одамлар сочига оро бериш керак. Бошқалари эса чиндан ҳам ташқи кўриниши чиройли эканига ишониши керак, шунда соч янада соғломлашади. Биз уларга ўзларини яхши кўришини ва ғамхўрлик қилишини, соч гўзалликнинг бир қисми эканлигини тушунишига ёрдам берамиз».
Изоҳ (0)