«Насаф» бош мураббийи Рўзиқул Бердиев Coca-Cola Суперлига 11-турида «Пахтакор»дан қабул қилиб олинган йирик мағлубиятдан (1:4) сўнг ўз фикрларини билдирди.
Бердиевдан қуйидагича иқтибос келтирмоқда «Championat.asia».
«Пахтакор» биздан кучли эканини ўйинда ҳам, ҳисобда ҳам кўрсатди. Уларни ғалаба билан табриклайман. Жамоавий ўйин ҳам, индивидуал ҳаракатлар ҳам юқори. Буни амалда ҳам кўрсата олди. Иккинчи голдан кейин биз навбатдаги ўйинни ўйлаб ўзгаришларни амалга оширдик.«Насаф» 11-турга келиб 19 очко билан 5-ўринда бормоқда. «Аждарлар» 12-турда «Бунёдкор»га қарши баҳс олиб боради.Ҳозир ўйинлар ораси қисқа, «Пахтакор»га қарши ўйинда кўп куч йўқотишни истамагандик. Ўзгаришлар қилинганидан кейин ўйинимиз мазмуни йўқолди. Олдинлари «Пахтакор»га қарши баҳсда боримизни берардик ва кейинги ўйинни ўйламасдик. Аммо ҳозир вазият бошқача. Уч кун олдин ўйнадик, яна уч кундан кейин «Бунёдкор»га қарши ўйнаймиз.
Сардор Абдураимовни қайтариш режамизда йўқ эди, Ҳумоюн Муртазоев борасида «Машъал»га таклиф билан чиқдик. Аммо Муборак клуби унинг трансферини сотиб олиш учун биздан 2 миллиард сўм сўради. Ҳумоюнни БАА клубидан ҳам таклиф борлигини айтишганди. Ҳозирги вазиятда бу суммани тўлай олмаймиз ва таркибимизда бор футболчиларга таянамиз.
Рўзиқул Бердиев, «Насаф» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)