Футбол бўйича Coca-Cola Суперлига 11-турининг марказий ўйини «Пахтакор» ва «Насаф» жамоалари ўртасида кечди.
Учрашувнинг 32-дақиқасида Драган Черан пенальтидан унумли фойдаланиб ҳисобни очди. Иккинчи бўлим дебютида сербиялик ҳужумчи собиқ жамоаси дарвозасини иккинчи бор ишғол қилди.
65-дақиқада «шерлар» яна пенальти ишлаб олди, 11 метрлик жарима зарбасидан Игор Сергеев унумли фойдаланди. Орадан икки дақиқа ўтар-ўтмас Черан ҳет-трикни нишонлади. Бунга қаршиликлар бир бор жавоб қайтара олди: 68-дақиқада Шерзод Аъзамов ўз дарвозасини ишғол қилиб қўйди.
Шу тариқа Шота Арвеладзе жамоасининг очколари 28 тага етди ва жамоа 1-ўринга қайтди. «Насаф» (19) эса 5-ўринга тушиб кетди.
Coca-Cola Суперлига
11-тур баҳси
21 август, жума
«Пахтакор» — «Насаф» 4:1
Голлар: 1:0 – 32, пенальти Черан, 2:0 – 53 Черан, 3:0 – 65, пенальти Сергеев, 4:0 – 67 Черан, 4:1 68, автогол Аъзамов.«Пахтакор»: Элдорбек Суюнов, Ҳожиакбар Алижонов (Акром Комилов 70), Жалолиддин Машарипов (Достонбек Ҳамдамов 62), Драган Черан (Асадбек Собиржонов 76), Игор Сергеев (Эрен Дердийок 70), Егор Кримец, Одилжон Ҳамробеков, Аброр Исмоилов (Сардор Собирхўжаев 62), Шерзод Аъзамов, Фарруҳ Сайфиев, Жавоҳир Сидиқов.
«Насаф»: Абдувоҳид Неъматов, Ҳусниддин Алиқулов, Ғолиб Ғайбуллаев, Дилшод Раҳматуллаев, Дилшод Саитов (Шароф Муҳитдинов 46), Бобур Абдухолиқов (Ҳусаин Норчаев 46), Жўрабек Маннонов (Мурод Хўжамбердиев 80), Ислом Кенжабоев, Шерзод Насруллаев, Ойбек Бозоров (Файсал Траоре 65), Марко Станоевич (Акмал Мозговой 65)
Огоҳлантиришлар: Исмоилов (39), Кримец (49).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)