«Пахтакор» бош мураббийи Шота Арвеладзе Coca-Cola Суперлига 11-тури доирасида «Насаф»га қарши кечган ўйиндан (4:1) кейин ўз фикрлари билан ўртоқлашди.
Биринчи навбатда айтишим керак, «Насаф»га қарши ўйнаш доим ёқимли. Сабаби рақиб ҳужумкор ўйнайди, қобилиятли ёш футболчилар тўп тепади. Мураббий доим тактик томонлама қийинчиликлар туғдиришга ҳаракат қилади. Биринчи бўлимда «Насаф» классик услубда ҳужумчи ортидаги схема билан ҳаракат қилди, иккинчи бўлимда эса схема ўзгарди, 5-2-3 га ўтди. Аммо биз ҳам бунга тайёр эдик ва тактик томонлама ақлли қаршилик қилдик.Афсуски, «Бунёдкор»даги майдон ҳолати барибир яхшироқ ўйнашга имконият бермаяпти. Бундан кейин тикланиш ҳам қийин бўлади. Ўйлайманки, мамлакатда стадионлар ҳолатлари яхшиланиб бораверади. Сабаби ҳужумкор ўйин намойиш этадиган «Бунёдкор» учун ҳам, Ўзбекистон миллий терма жамоаси учун ҳам сифатли майдон керак.
Жавоҳир Сидиқов профессионал футболчи. Унга доим ишонганман. Абдуллаевга ҳам, Комиловга ҳам ишонамиз. Сидиқов деярли бир йил давомида жароҳатидан даволанди. Қўшимчасига операция қилинган жойида икки бор инфекция пайдо бўлди. Пандемия вақтидаги вақт унга қўшимча имконият бўлди. Машғулотлар вақтида жуда яхши ишлайди.
Умид қиламанки, Чемпионлар Лигасига яхши формада етиб борамиз. Йигитларимиз уч ҳафта давомида даволанганини унутманг. Кимдир антибиотиклар билан, кимдир уларсиз. Кимдадир йўтал бўлди, кимдадир бошқа нарса. Руҳий томонлама ҳам қийинчиликлар бўлди. Йигитлар яна бир бор характер намойиш этди. Масалан, Черан пенальтини Сергеевга берди. Бу ўзи қўрққанидан эмас, шунчаки Сергеевни қўллаб-қувватлаш учун берди. Буни мураббийлар ёки бошқа одам айтгани йўқ. Бу жамоа учун муҳим жиҳатлардан бири.
Шота Арвеладзе, «Пахтакор» бош мураббийи
«Пахтакор» ушбу ғалабадан кейин очколарини 28 тага етказиб олган ҳолда пешқадамликни сақлаб қолди. Жамоа кейинги турда «Локомотив» билан ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)