Португалия терма жамоаси бош мураббийи Фернанду Сантуш ҳужумчи Криштиану Роналдунинг ЖЧ—2022 мусобақасида ўйнай олиш имконияти ҳақида гапирди.
Бу ҳақида ҳали ўйлаб кўрмадим. Ҳаммаси унинг ўзига боғлиқ, у ўзини қандай ҳис қилиши муҳим. Агар Роналду савиясини сақлаб қолса, у ҳолда терма жамоада бўлади. Шак-шубҳасиз. Унинг нафақат жисмоний ҳолати, балки руҳий ҳолати қандай бўлиши ҳам жуда муҳим.35 ёшли Роналду Португалия терма жамоаси сафида 164 та ўйин ўтказиб 99 та голга муаллифлик қилган.Ўйлашимча, агар фавқулодда бирорта ҳолат юз бермаса Роналду 39 ёшида ҳам юқори савияда ўйнашда давом этади. Балки машғулотларни тартибга солиш орқали бунга эришилар. Энди ўйинчилар нафақат ўзининг энг юқори савияси билан, балки бу даражани узоқ йиллар ушлаб қолиш орқали жаҳон миқёсидаги етакчига айланмоқда, бунақаси аввал бўлмаган. Бу ҳайратланарли.
Роналду 50 ёшида ҳам пляжда футбол ўйнашни ва унда ғолиб чиқишни хоҳлайди.
Фернанду Сантуш, Португалия терма жамоаси бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)