«Севилья» Европа Лигаси финалида «Интер»ни мағлуб этиб (3:2), мусобақа ғолибига айланди.
Шу тариқа испан клублари 2002 йилдан бери Еврокубокларнинг барча 15 та финалида бошқа давлат клубларини мағлуб этишнинг уддасидан чиқди.
Бу давр ичида «Реал» уч марта, «Барселона» эса тўрт марта Чемпионлар Лигасида ғолиб бўлган.
2004 йилда «Валенсия» УЕФА Кубогини қўлга киритган бўлса, «Севилья» 5 бор УЕФА Кубоги/Европа Лигасида ғолиб чиққан. «Атлетико» эса икки марта мусобақа (Европа Лигаси) бош совринига эга чиққан.
Қайд этиш жоиз, Ла Лига жамоалари сўнгги марта 2001 йилда Еврокубоклар финалида бошқа мамлакат жамоаларига мағлуб бўлган. Ўшанда «Алавес» УЕФА Кубоги финалида «Ливерпуль»га, «Валенсия» эса Чемпионлар Лигаси финалида «Бавария»га ютқазиб қўйганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)