«Локомотив» бош мураббийи вазифасини вақтинча бажарувчи Дилшод Нуралиев Coca-Cola Суперлига 11-тури доирасида «Қўқон-1912»га қарши ўйиндан (1:2) кейин ўз фикрлари билан ўртоқлашди.
Мен учун биринчи навбатда оғир ўйин бўлди. Йигитларга раҳмат айтмоқчиман. Хатоларимиз кўп, уларни устида ишлашимиз керак. Футболчиларни жисмоний ҳолати бу қадар ёмонлигини кутмагандим, менда булар билан машғулот ўтишга вақт бўлмади. Учрашув тугашига 20 дақиқа қолганида футболчиларим чарчаб қолди. Имконият берилса хатолар устида ишлаймиз.«Локомотив» 11-турдан кейин 12 очко билан 9-ўринда кетмоқда. Жамоа кейинги турда «Пахтакор»га қарши баҳс олиб боради.Қўлимдан келганича меҳнат қиламан, меҳнатдан қочмаганман. Таркибдаги тажрибали футболчилар ўйнашни билади. Қўқон жамоасидан ёмон ўйнадик дея олмайман. Қайсидир вазиятда яхши ўйнадик, қайсидир вазиятда хато қилдик. Кўп вазият яратмаган бўлсакда бир нечта вазиятларни голга айлантирсак бўларди. Қўқонга омад ҳам келди, иккита рус тилида айтганда «курёзний» (ғалати) гол уриб кетди. Мағлубиятда барча бирдек айбдор, «Локомотив» мухлисларидан узр сўрайман. Кейинги учрашувларда футболчиларнинг иштиёқини оширишга қўлимдан келганича ҳаракат қиламан.
Биринчи галда йигитларнинг жисмоний ҳолатини тиклашга эътибор қаратамиз. Кейинги ўйин дерби, «Пахтакор»га қарши майдонга чиқамиз, йигитлар ҳам вазиятни тушуниб турибди. Қўлдан келганча вазиятни тўғирлашга ҳаракат қиламиз.
Жамоани бош мураббий сифатида бошлаб тушиш кутилмаган хабар бўлди. Клуб раҳбарлари чақириб бу қарорни айтганда шошилиб қолдим, кутилмаганда бўлиб қолди. Биз мураббиймиз, тайинлашади, олишади. Вазиятдан чиқиб кетишга қўлимдан келганча ҳаракат қиламан.
Дилшод Нуралиев, «Локомотив» бош мураббийи вазифасини бажарувчи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)