«Қўқон-1912» бош мураббийи Бахтиёр Ашурматов Coca-Cola Суперлига 11-тури доирасида «Локомотив» устидан қозонилган иродали ғалаба (1:2) борасида гапирди.
Гапни очиғи ўйин асабий руҳда ўтди. Йигитлар охирги дақиқага қадар мураббийлар штабини таҳликада ушлаб турди. Учрашувлар марказлашган ҳолатда ўтмоқда, шундай бўлсада биз меҳмонда тўп тепдик. Меҳмонда қўлга киритилган биринчи ғалабамиз билан жамоамиз раҳбарларини, футболчиларни табриклайман. Ғалабадан хурсандман. Голга қадар омадимиз келмади, пенальтидан унумли фойдалана олмадик. Сен урмасанг сенга уришади деганларидек Темурхўжа Абдухолиқов юқори савиядаги ҳужумчи эканлигини исботлади ва гол урди. Йигитларга раҳмат айтишни истардим, гол ўтказиб юборганимиздан кейин ҳам тўхтаб қолмади.Қўқонликлар 11-турдан кейин 19 очко билан 4-ўринга кўтарилди. Жамоа кейинги турда «Андижон» билан ўйнайди.«Локомотив»да ҳам мураббий алмашган, футболчилар янги мураббийга ўзларини кўрсатишни истайди. Марат Бикмаевнинг майдонга туширилиши рақиб ўйинини кучайтирди дея оламан. Биз ҳам сўнгги дақиқаларда вазиятдан фойдаланиб гол уриб кетдик. Олти очколик ўйин бўлди десам янглишмайман. «Локомотив» мусобақа жадвалидаги асосий рақобатчимиз эди.
Еттинчи ўринни олиб Чемпионлар Лигасида ўйнаш спорт принципларига тўғри келмайди. Биз ҳам еттинчи ўринни олиб Чемпионлар Лигасига чиқишни истамаймиз. Ўзимизни меҳнатимиз билан босқичма-босқич, ҳалол меҳнат билан ОЧЛга чиқмоқчимиз. Бу йил ҳам таркибимиз ёмон эмас, айрим масалаларда селексия ишларини кўнгилдагидек олиб бора олмадик.
Ўнг қанот ҳимоямизни кучайтиришни истаган эдик. Бироқ ўзимиз истаган футболчиларни ололмадик. Асадбек Собиржонов ва Жавоҳир Сидиқовни «Пахтакор» олдинда ОЧЛ баҳслари борлиги сабаб олиб қолишни истади. Уларнинг қарорини ҳурмат қиламиз. Биз олишни истаётган футболчиларни айримларини ўз жамоалари билан шартномалари бор ёки катта маблағ эвазига олиб келиш мумкин. Таркибимиздаги бор футболчиларга ишонч билдиришга ҳаракат қилдик.
Мурод Холмуҳаммедовни қайдномага киритдик. Агарда пенальти ишлайдиган бўлсак, Муродни тушириб пенальтидан кейин яна захирага олишни режа қилгандик. Унинг ҳозирги ҳолати икки бўлим ўйнашга имкон бермайди. Бизга футболчиларимизни соғлиғи муҳим. Пенальти тепилаётган вазиятда кўзларимни ҳам юмиб олдим, бироқ гол бўлмади. Холмуҳаммедовни жисмоний ҳолати яхши бўлса кейинги учрашувларда туширишга ҳаракат қиламиз.
Бахтиёр Ашурматов, «Қўқон-1912» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)